今日一家四口同埋公公婆婆去咗天水圍一間新開嘅餐廳茜廊食晚餐！食咗個史無前例咁長嘅Pizza 茜廊就喺天盛商場入面，搭商場扶手電梯直上一樓喺日本城隔離就見到 其他人未到我哋就周圍影吓相，我哋被安排坐咗喺卡位，咁啱牆上面畫咗好靚嘅Pizza，我哋今日都會Order Pizza，不過笨唔係圓形嘅！ 餐廳內都好有特色設計得好靚，天花板吊落嚟嘅酒櫃，每張枱的梳化及櫈都係唔同 點擊圖片放大 終於都人齊，我點咗幾款唔同食物，有沙律，主菜，意粉同薄餅 先嚟咗Set Dinner跟的餐清餐包 招牌烤雞沙律 $85 同一般沙律差唔多，賣相都冇咩特別，不過亮點係D烤雞，好香好Juicy，仲有配埋好爽脆嘅松子，真係好夾！ 佢哋兩個最鍾意就係飲忌廉湯同埋食蒜蓉法包 主菜出場啦！美國牛柳拼薯菜 $148 七成熟，但係呢碟扒真係扣哂分....肉質好差，咬落去唔好講層次，根本就唔似食緊牛肉...又唔淋又冇牛味，好似食緊D煲咗好耐湯嘅乾淨淨嘅肉咁！ 好在之後嚟番呢碟意粉又加番分！香草茄汁田園野菜意大利粉 $78 好重蕃茄味，唔係全部茄醬！雖然冇肉全係蔬菜，但係都唔會太齋 最後壓軸登場就係呢個成米長嘅Pizza！1米薄餅(3式風味) $268 其實二百幾蚊食個Pizza好似好貴咁，但係真係足夠6－8個成人分量！ Pizza總共有3款味道，包括羅勒蕃茄Pizza, 黑松露野菌Pizza, 仲有水牛芝士Pizza 加埋我哋頭先食嘅嘢！呢個Pizza我哋真係食唔落囉，最後只好打包番屋企做宵夜 Photo by CANON 5D Mark III, Len | EF 24-70mm f/2.8L USM 想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2 呀劍評分: 7分 呀劍評語: 食物質素算中上，環境優雅，人唔算多，都算坐得幾舒服！ 地址 天水圍天靖街3號天盛商場1樓L128舖 交通 港鐵天水圍站 D 出口, 步行約6分鐘 營業時間 星期一至日: 07:00-23:00 電話 2682 8260 (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk
