近期大熱人人都話要去朝聖既卡樂B概念零食店, 今日行開灣仔終於有機會去試一試! 果然... 我哋由天后搭叮叮嚟到灣仔利東街! 重建之後初到貴境! 都係呢個名貼切D, 咩「囍歡里」真係好老土囉! 呢度仲設有1樓同地下商場! 不過我哋今次就為咗Calbee而嚟, 而且大部商店都係以遊客為主, 唔多啱我行! 街頭見到呢架樂施會既賣米車都幾型! 周圍都企理乾淨, 一D都唔似香港....哈哈哈 整條利東街都有好多銅像擺設! 佢哋兩個行埋去之後又真係幾啱Size 一比一喎! 有班外國人唔知喺度做咩? 通往地下商場既扶手電梯! 影完張相出嚟先見到男女調轉咗位置! 哈 去到街尾終於見到朝聖地方啦!! 睇吓應該食邊款先! 有薯片有薯條...叫得太多又唔好, 所以好細心咁諗一款試吓味道 點擊圖片放大 +3 門外唔算有好多人排隊, 大約10分鐘度就到我哋, 不過.... 原來入到去都仲要再排 點擊圖片放大 唔知擺設內既薯仔係真定係假架呢? 因為我哋多手撳落去佢表面係會有少少凹入去... 可能擔心一邊排隊驚你會悶親, 就專登做咗個玻璃窗隔開個廚房俾你睇到製作過程 點擊圖片放大 +4 由於係同零食物語合作, 所以店裡面都有售賣其他品牌既產品 點擊圖片放大 +3 我哋結果買了一個芝士味即炸薯條, 盛惠$32! 一杯大概得15條薯條, 薯條身幾林 點擊圖片放大 +4 Photo by CANON 5D Mark III, Len | EF 24-70mm f2.8L USM 呀劍評分: 9分 呀劍評語: 起初以為同一般薯片薯條冇咩分別, 原來新鮮炸真係堅好食! 值得一試 Okashi Galleria 簡介 四洲集團引入日本零食品牌Calbee Plus，於灣仔利東街開設 Okashi Galleria x Calbee Plus 概念零食店，並於 3 月 21 日隆重登場，此店乃卡樂 B 於日本海外之第一間 Calbee Plus 分店，實屬本地旅遊及美食界年度一大盛事！日本 Calbee Plus 於 2011 年 12 月於東京原宿開設第一間店至今已拓展至 10 間店，短短 5 年多已累積超過 710 萬 人次光臨，絕對是全球旅客於日本潮拜之美食聖地! 地址 香港灣仔皇后大道東200號利東街地下G14-15號 (合和中心對面) 營業時間 10:00am – 10:00pm 網頁 https://www.facebook.com/calbee.hk/ 電話 27979967 (以上資料更新至文章當日) Facebook專頁: 呀劍萬帥 kimfamilytraveltips Blog網誌 : kimfamilytravel.blogspot.hk
