飛機對佢哋兩個嚟講接觸不多，因為我哋比較少外遊，所以今日嚟機場見識一下飛機，俾佢有機會了解更多 【呀劍萬帥facebook專頁 http://www.facebook.com/kimfamilytraveltips】 要去探知館多數都會經過呢個迪士尼專門店，希望大家唔好出血喺呢度 所以如果唔想有機會俾自己小朋友扭計，最好經童夢城嗰邊上去探知館 點擊圖片放大 +3 幸好佢哋兩個只係攬下就已經滿足！只係叫我幫佢哋影幾張相就OK，真係多謝你哋！ 上過扶手電梯就會見到航空探知館 一條好似機場跑道既長走廊! 兩個嘢梗係跑跑跑啦! 一嚟就見到咁大隻Iron Man佢哋好開心即刻走埋去要同佢影番張相 呢度有好多不同型號既飛機, 如果係飛機控一定好鍾意....(不過我諗好似我侄仔咁鍾意應該一出世嗰陣就已經嚟過) 點擊圖片放大 +2 早前朋友送過我兩張機場展望台既飛, 一張價值$15 不過聽我侄仔講, 佢話成日都冇人收飛架, 所以可以就咁行上去都得! 我行到過嚟點知真係冇人, 大家都係直行直過! 兩張飛可以慳番 第一次上到嚟真係有種幾壯觀既感覺...不過曬到傻咗 唔知係我唔識用定點, 每支望遠鏡我都睇唔到嘢! 呢度真係每隔一分鐘就有一架飛機飛過嚟! 真係好密!!!! 點擊圖片放大 +2 逗留咗15-20分鐘度我哋都頂唔順落番嚟, 實在太熱啦! 落番嚟睇吓模型! 最失望係個摸擬駕駛艙維修緊冇得玩..... Photo by CANON 5D Mark III, Len | EF 24-70mm f2.8L USM 呀劍評分: 4分 呀劍評語: 冇咗模擬駕駛艙就已經扣咗一半分數喇....佢好應該喺網頁上同人講, 雖然我估唔會有人專程嚟機場玩卦 機場展望台 簡介 是全球首間設於機場航空大廈內以航空為主題的多媒體中心，於2007年6月1日正式啟用，由洲立影藝負責營運。航空探知館設有多個展區，逾20多項多媒體互動設施，介紹世界民用航空事業、前啟德機場及新香港國際機場的發展，大部分設施均免費參觀，並且供予參觀者親自操作。機場展望台於2007年7月12日啟用，設有升降機連接展館。展望台位於毗鄰的機場行政大樓頂樓，可以360°欣賞機場設施及飛機升降。 地址 香港國際機場二號客運大樓翔天廊6樓 收費 免費入場，付費設施包括：模擬駕駛艙：40元（包括拍照服務）(現只提拱拍照服務,收費20元) ；機場展望台：成人 $15，長者 $10，小童/學生 $7.5（一米以下小童免費）。 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
