意猶未盡, 啱啱早幾日去完迪士尼花蛋節! 今日再到Megabox搵花蛋 【呀劍萬帥facebook專頁 http://www.facebook.com/kimfamilytraveltips】 我哋跳完彈床之後由九展步行10分鐘多去到MegaBox! 因為大家都未肚餓同埋咁啱撞正打工仔食晏時間, 所以我哋直接上到L5中庭搵花蛋去 上一站>>CLICK HERE! 【親子好去處】九龍灣 BOUNCE@EMAX 上次喺迪士尼最後都冇機會去反斗奇兵大本營那裡搵花蛋 今日嚟到MegaBox終於有機會同胡迪, 巴斯光年同埋三眼仔花蛋影番張相啦 仲有火腿呀!!!! 但係芊芊成日叫佢做Peppa Pig 因為今日未係公假, 所以商場都係好少人, 我哋影極都冇人跟隊, 同花蛋任影唔嬲! 跟住去到Reception處(其實係售票處)可以拎番本場刊 場刊裡面可以收集圖章! 總共有四個 點擊圖片放大 另外兩個印章就係喺場景既另一邊, 好方便唔駛點搵, 就可以蓋埋另外兩個圖章! 其實個圖章都整得幾靚架! 有Monster Inc, Star Wars, Baymax and Snow White! 在場工作人員好樂意幫你影相! 本來我都怕唔好意思叫佢再影多幾張, 但係佢好樂意咁話「襯依家冇人幫你哋影多幾張啦!」 點擊圖片放大 +5 補影番哂當日喺迪士尼見唔到既花蛋! 好開心呀 成個MegaBox除咗L5中庭, 就得番L9有個背景板影相而已! 之後我哋就落去IKEA食件蛋榚醫醫芊芊個肚先(因為其他人仲飽飽) 食食吓又走咗出去玩, 小朋友真係有無窮精力 點擊圖片放大 下一站>>CLICK HERE! 【親子好去處】九龍灣 GreenLive@MEGABOX Photo by CANON 5D Mark III, Len | EF 24-70mm f2.8L USM 呀劍評分: 6分 呀劍評語: 見到迪士尼花蛋係幾開心, 如果佢可以放多幾隻唔同花蛋喺唔同層數去搵一搵, 可能會仲開心(我都明佢唔可以放太多...如果唔係就冇人會入迪士尼搵花蛋, 哈哈) 迪士尼花蛋出遊 簡介 米奇與好友們及一眾反斗奇兵成員幻化成迪士尼「花蛋」於睡公主城堡花園同大家見面，一起投入尋找迪士尼花蛋的樂趣！ 地址 九龍 九龍灣宏照道38號 MegaBox L5中庭 免費 日期 2016年3月16日至5月2日 時間 10:00am - 10:00pm 網頁 http://www.megabox.com.hk/monthly_highlight.php?mid=7-13&id=497&type=0&lang=tchi (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
