小朋友至愛Superman同埋Batman都喺又一城出現 一次過滿足咗呢個超人控嘅慾望！ 【呀劍萬帥facebook專頁 http://www.facebook.com/kimfamilytraveltips】 晚上放工番到屋企攪掂哂兩個嘅功課 就即刻起行到又一城探吓Superman同Batman 只係一個地鐵站之隔，冇理由唔去吓卦 港鐵站一上嚟離遠就見到Superman啦！ 不過我哋先上咗去醫肚先！ 食完嘢先再慢慢影！到時會仲少人 呢層係LG2都放咗個超人同Batman衫喺度！ 芊芊都即刻自動自覺自己攞起Pose上嚟 哥哥當然唔會執輸啦，見到Superman咁多肌肉 即刻攞番個大隻佬姿勢 呢度放咗套Batman服裝，真係好有型！ 哥哥唔駛攪喇...要係POPUP Store買滿$400嘢先可以上嚟玩㗎！ 仲有Batman嘅所有武器！ 嚟到UG層有見到另一個Batman，一個Full Gear嘅Batman!!! 仲有一棧射燈放咗喺側邊，但職員就棧燈係唔著嘅！唔通佢本身係可以開著咩？ 一望住佢就覺得佢好似Iron Man Hulkbuster! But個人認為佢都係original比較型仔D 嘩，呢個射燈射上去天花真係好型！唔知幾時會開著佢呢？ 點擊圖片放大 落番嚟G層就會見到今次個POPUP Store 不過我哋落到嚟咁啱Close咗，不過我本身都唔會諗住買嘢 Heee.... 所以喺度影番幾張相就算！全部都係Q版公仔同商品！ Batman呢架車真係咁多年都咁型 每次呢架車都係Batman嘅賣點！有陣時真係紅過Batman本人！ 最後去番隔離呢個主展覽場 有好多電影場景模型，真係做得好靚！所有粉絲肯定見到會發癲 唔講咁多！粉絲們慢慢欣賞.... 點擊圖片放大 +4 哥哥以為呢個就係叫做Superwoman女超人 其實都差唔多啦....估中一半，無錯佢係woman，不過係Wonder Woman 佢個樣做得好逼真！遠少少睇真係好似真人 入夜開始冇咩人任影唔嬲！可以霸哂成個場景慢慢攞Pose影 呢個Batman都做得好仔細，不過我嚴佢鬚根唔夠多，哈哈！ 呢架戰車真係讚都唔嚴多！因為實在太太太太型.........啦！(感受到我嘅興奮嘛) 唔好意思呀超人，最尾先輪到你！因為你唔夠佢哋有型 佢哋兩個嘅姿勢似Match番功夫熊貓多D囉！ 哥哥行埋去架車度去做個對比...個車轆仲高過佢個人 Photo by CANON 5D Mark III, Len | EF 24-70mm f2.8L USM 呀劍評分: 8分 呀劍評語: 我通常好少趁虛去商場影Figure，如果去得的話都真係製作得好認真好仔細好型！大家明啦！ 香港演藝學院開放日2016 簡介 又一城聯同華納兄弟商品部及Hot Toys合辦全港首個《蝙蝠俠對超人：正義曙光》大型聯乘活動。歡迎一眾超級英雄迷，親臨又一城見證最強對決！ 地址 香港灣仔告士打道1號 展覽 日期：3月3日至28日 時間：上午10時至晚上11時 地點：又一城LG2層 日期：3月3日至4月10日 時間：上午10時至晚上11時 地點：又一城G層及UG層 《蝙蝠俠對超人：正義曙光》期間限定店 日期：3月3日至28日 時間：上午11時至晚上9時 (逢星期一至四) 及 上午11時至晚上10時 (逢星期五至日及公眾假期) 地點：又一城LG2層 《蝙蝠俠對超人：正義曙光》互動遊戲 日期：3月3日至4月10日 時間：上午11時至晚上10時 (逢星期一至四) 及 上午11時至晚上11時 (逢星期五至日及公眾假期) 地點：又一城G層 《蝙蝠俠對超人：正義曙光》Instagram相片打印專區 日期：3月3日至28日 (逢週六、日及公眾假期) 時間：下午1時至6時 地點：又一城UG層 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
