呢間咁暗咁黑咁有情調嘅餐廳係咩嚟呢？ 就係又一城嘅Greyhound café，因為坐不到外面位置，所以被安排坐到餐廳內 【呀劍萬帥facebook專頁 http://www.facebook.com/kimfamilytraveltips】 我哋嚟到又一城先直上扶手電梯去到最頂層 就嚟到Greyhound café，以前McDonald的位置 因為Walkin所以都要等一陣 不過唔係好耐，差唔多10-15分鐘，哥哥喺門口見到D甜品已經流哂口水 坐低之後拎起本Menu睇吓有咩食先! 就咁睇價錢每樣都係$100咁上下 貴嘅$200幾蚊碟都有! 貴雖然係一個問題^.^ 但最緊要好味 Fettuccini with Shrimps and Champignon Cream Sauce 比起一般食開要焗嗰隻闊條麵冇咁重芝士味, 唔駛俾芝士味蓋過所有嘢, 食得番整體嘅味道! 忌廉汁令到麵身好爽滑! 蝦同菇都好Fresh Spicy Penne Bolognese with Ham and Tomato Sauce 蕃茄味唔腥, 感覺好甜好鮮, 芝士焗肉醬恰到好處, 又唔會焗到D長通粉好"un"好硬咁! Mini Gourmet Burgers 裡面除咗塊漢堡之外都夾住唔同嘅餡料, 一個係茄子, 一個係士多啤梨, 仲有一個係煙肉! 唔知係咪時時唔同, 我後來上網睇番發現有夾住青瓜紅青椒... 細細個拎上手好得意好易食! 同埋小朋友鍾意食薯條, 但係又唔想叫咁多俾佢哋食, 所以呢個迷你漢堡附帶10條唔夠嘅薯條就啱啱好! 講番個主角塊漢堡, 真係堅好食! 7 成熟, 咬開仲見到中間有少少紅, 唔會太乾! 加埋佢特製醬汁仲JUICY! Crispy Sweet Corn with Crab Meat $88 呢碟小食!我最初見到Menu唔知叫春卷定雞翼好... 但係諗諗吓不如試吓新嘢! 我問Waiter呢一款其實係咪好似炸墨魚餅架咋! 但係佢好Cool好冇感情好Robot咁答我兩個字 「唔似」~ 完 但係我都係叫咗呢個看似墨魚粟米餅嘅粟米炸蟹肉餅 真係Surpise!!!! 好好味, 真嚼到蟹肉, 好香蟹肉味! 外脆肉軟唔駛講 點埋佢個甜酸醬食真係食完一件即刻想食第二件, 飯意粉都想唔食住, 好想襯熱食咗佢先! Fried Tiger Prawns with Thai Spices and Rice 最後因為驚唔夠飽同埋又好想叫番一味辣辣哋嘅嘢俾自己食! 所以見到隔離枱有叫呢碟飯就一於試吓 原來唔係太辣, 仲有將所有配料撈埋, 有D似食金邊粉咁! 好得意隔離配咗隻鹹蛋黃同好似薯蓉咁嘅嘢, 幾好食! 不過碗湯真係咸到痺!!!! >.< 呢個嘢食飽之後不停食薯條, 睇吓你今晚瞓覺咳成點(事實相反係食得兩條嘅妹妹咳住瞓...) 之後我拎咗另一本Menu, 就係頭先係出面等緊位嘅時侯見到好多甜品嘅餐牌 我哋Order咗3樣嘢, 真係眼闊肚窄, 同埋完全俾佢嘅美色吸引 Chocolate Lover Chum-Cham 好普通嘅朱古力同什果乳酪雪榚, 差唔多60蚊好似有D貴! 去食Mövenpick好過! Red Velvet Waffle 可能嗰陣已經好飽, 所以覺得唔係特別好味, 算係Above Average! 個賣相幾特別, 係全紅色嘅窩夫, 夾住紅莓! 加埋士多啤利酸酸甜甜幾好味 我哋食完要埋單嘅時侯都已經差唔多冇哂人! Photo by CANON 5D Mark III, Len | EF 35mm f/1.4L USM 呀劍評分: 9分 呀劍評語: Fusion得幾好味! 雖然主打泰式菜, 但係一D都唔係傳統泰國嘢! 雖然係貴咗D, 但係真係好味, 甜品我就覺得可以試一款就OK! 推介 招牌脆炸單骨雞翼 / 鮮蝦帶子墨魚汁麵 / 鹹魚乾辣椒炒飯@Openrice 地址 九龍塘達之路80號又一城2樓L2-42號舖 開放時間 星期一至日: 11:00-23:00 電話 2383 4838 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
