最近哥哥都長大了, 開始想養小動物! 見到叔嬸既狗仔, 又話想養狗仔 去到雀仔街睇雀, 又話想養雀仔 睇電視見到花鼠, 又話想養倉鼠, 結果最後... 【呀劍萬帥facebook專頁 http://www.facebook.com/kimfamilytraveltips】 其實我自己一向都唔太贊成養寵物 一來自己未必有能力照顧好佢哋, 另一方面又好驚佢哋離開 所以我好介意D父母為咗自己小朋友, 想培養佢哋愛心 就養小動物俾小朋友學習照顧, 變相好似利用咗隻小動物..... 原因係呢D父母若果唔係有小朋友佢哋自己本身就未必會養寵物 (只係個人見解, 唔一定要你buy) 所以最後我同哥哥講, 到有一日你有能力而且可以負起呢個責任照顧先去領養動物 雖然佢未必明白咩叫「責任」, 但係都要同佢解釋清楚...等佢慢慢明白過嚟! 但係我都因為咁試吓養一缸魚(本身有計劃過), 只係揀養一D小魚! (本來有諗過養龜, 但係怕好臭) 因為上一年嫲嫲曾經帶哥哥去甚麼嘉年華撈金魚(極之反對的活動) 然後不到一個星期全部歸西! 所以今次選擇養魚, 始終係佢接觸過的! 第一天我先買了一個連濾水器的魚缸, 價值$330 第二晚我再到金魚街買了第一包小金魚仔試試缸, 佢哋叫「瑩光斑馬」$20 有9條 魚仔落缸後, 小朋友超興奮! 即刻喺魚缸前望佢哋游嚟游去 之後叔叔提醒我要買暖管, 如果唔係佢哋好易死... 而且魚仔太細條, 一定要買一D粉沫狀既魚糧等佢哋個咀仔食到 結果第三晚我放工再去買埋, 同埋換水器, 網仔等其他工具 魚糧$38; 換水揼$20; 小網仔$8; 暖管(德國貨)$185 佢哋兩個望住D魚仔好開心 周不時都會過去魚缸望吓佢哋 夜晚瞓覺前又會祈禱希望佢哋唔好(咁快)死... 點擊圖片放大 +4 後來覺得好似養得唔錯就諗緊不如加多幾個朋友仔 於是買咗米奇$15有10條同埋波子(正名：朱鄰) $30 兩條 因為成員多咗, 擔心個缸唔夠氧氣俾佢哋 所以再過咗兩日到咗Weekend我帶埋佢哋兩個落金魚街 再買埋氣揼(日本貨)$125 + 呎膠喉$3 + 氣石$8 點擊圖片放大 +2 跟住仲買埋一棵小水榕, 俾番少少大自然Feel D魚, 終於大功告成!!! ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
