今日兩隻馬騮家長日，請咗個下晝假去見完老師之後！ 聽到老師讚佢哋幾乖，所以就帶佢哋行去近近哋嘅朗豪坊睇Monchhichi 【呀劍萬帥facebook專頁 http://www.facebook.com/kimfamilytraveltips】 上到四樓廣場，就見到好多好靚嘅Monchhichi公仔！ 佢哋兩個即刻飛奔過去攬住佢 因為都未到放工時間，直程每一隻都唔駛排隊就可以任影，仲要影極唔走都冇人理 上面呢個一定係鐵扇公主啦！下面唐僧，豬八戒同沙僧都好攪笑！ 豬八戒係叉住隻餃子㗎！ 呀芊你真係攪笑，走去篤豬八戒個鼻哥窿！(我番到嚟睇先知) 點擊圖片放大 嚟到呢個影相區叫「聚寶洞」 當然要同孫悟空合照啦！哥哥即刻扮番馬騮咁喺度R痕！ 點擊圖片放大 咁多個公仔我最鍾意呢個牛魔王同紅孩兒BB, 仲有全部都拎住個奶咀好正！ 點擊圖片放大 番到嚟呢邊有最大嘅一個影相區，無端端加埋條神龍嘅？究竟係西遊記定係龍珠...哈哈 點擊圖片放大 然後嚟到呢度叫「天宮」， 呢度就係玉王大帝觀音菩薩.......花果山美猴王齊天大聖孫悟空嘅大鬧天宮嗰個「天宮」 玉王大帝俾孫悟空攪到喊哂口 呢個係咪皇后娘娘？ 行到去有個暗位見到有棵好靚靚嘅桃花喎！哥哥抱起芊芊去摸吓D桃花 點擊圖片放大 呢個時侯媽咪都嚟埋啦！可以影番張大合照 呢度都有大約4-5位職員喺度看守秩序，一見到有人想企上去公仔D台上面 工作人員就會過嚟阻止，好好的態度同認真，防止Monchhichi被破壞 以為諗住冇嘢影，跟住過到嚟見到有個位置，原來上去8-11樓仲有其他影相地方 只要用手機影完放上instagram hashtag就可以Print番張4R出嚟送俾你 所以我哋就搭嗰條長命扶手電梯先上到8樓 但係真係太黑囉....幾乎用大機冇閃燈就一定咩都影唔到 之後搭錯扶手電梯一上上咗去12樓，不過錯有錯著見到呢個咁靚嘅閃閃城堡就同佢影番張相 之後我哋就逐層行番落去搵吓有冇其他影相區 落到10樓見到呢個咁靚嘅背景，但係覺得好似少咗D嘢咁，原來原先仲有個大大嘅孫悟空放喺度 可能俾人極度破壞所以冇咗，包括身後呢幅壁畫都花哂 我哋邊行邊影，都見到好多得意嘢！因為我實在太耐冇嚟過朗豪坊喇 最後搵到第3同第4個影相區！影埋我哋就行番落去 跟住去番頭先個哥哥度俾佢哋我完成所有步驟，跟住就拎到張4R相啦！ 然後佢哋拎埋喺麥記食開心樂園餐換番嚟嘅Monchhichi一齊再影多張相！芊芊夢想成真，見完咁細隻嘅Monchhichi，今日嚟朗豪坊見到呢隻咁大嘅Monchhichi 下一站>>CLICK HERE! 【飲飲食食】南小館 The Dining Room @朗豪坊 Langham Place Photo by CANON 5D Mark III, Len | EF 24-70mm f2.8L USM, iPhone 5s 呀劍評分: 7分 呀劍評語: Monchhichi造型好靚，我諗過埋今次又要等12年先會再見到佢哋，番工時間人少少真係好值得嚟影吓！ 朗豪坊 Monchhichi展覽 簡介 朗豪坊Monchhichi新春佈置主要圍繞《西遊記》，Monchhichi一猴分演11角，既是主角孫悟空，又是唐三藏、豬八戒、牛魔王、鐵扇公主等。對比上次的聖誕展覽，今次展覽仲預埋Bebichhichi一份扮紅孩兒，造型維妙維肖。 展出日期 2016年1月15日 - 2月28日 地址 旺角亞皆老街8號朗豪坊4樓通天廣場 時間 11am-11pm(年廿七至年廿九延長至凌晨1時) 電話 2337 8191 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
