今個新年前夕我買咗套OSMO, 等佢哋放假可以喺屋企玩 估唔到連我都鍾意咗玩! 真係好好玩呀! 我玩先... 【呀劍萬帥facebook專頁 http://www.facebook.com/kimfamilytraveltips】 大家如果未知佢係咩, 可以先上呢個官網度了解一下先 https://www.playosmo.com 其實佢係一套系統目的希望將小朋友由虛擬世界帶回現實生活當中 依家好多家長因為驚佢食飯唔集中, 出街踏車扭計, 或其他奇難雜症... 所以就拎部手機出嚟控制住佢哋(其實我好明白, 知道唔好但係有陣時又好難唔咁做) 久而久之就俾小朋友要脅番轉頭, 唔拎手機出嚟佢哋就發癲 但係呢套遊戲就可以俾佢哋玩之餘, 但係唔駛做底頭族, 而且仲可以用實體配件嚟玩 雖然唔可以解決頭先講既所有問題, 但係至少佢哋對住部iPad得嚟有番少少意義 呢個Kit除咗個Base之外, 會有另外3套遊戲配件, 好似以下呢個就係七巧板 先Download咗個App先, 然後進入遊戲, 跟據App顯示既圖案用實體七巧板去砌 鏡頭Detect到你砌啱砌錯都會有Notice! 有唔同難度選擇, 最難嗰隻真係連我都未必可以即時砌啱! 點擊圖片放大 +2 一人玩一次! 但係次次到妹妹玩, 哥哥就喺側邊幫佢砌埋!!!!! >.< 妹妹都冇機會砌 (之後我叫哥哥你最多可以側邊用口講提示佢, 唔好動手幫佢砌) 玩完七巧板Tangram之後, 我哋就試另外一隻Game "Words" 呢款遊戲係練習英文生字, 都係有唔同難度俾你揀! 點擊圖片放大 +2 其實仲有Number, Newton & Masterpiece, 等下一次再介紹 快D買嚟玩啦. 只係$798! (唔好去官方網買, 去Apple Store買免運費!) Osmo另外2隻遊戲 - Numbers and Newton (利申: 真係冇收錢, 純分享! 唔鍾意就唔好睇) Newton這遊戲完全唔需要任何配件, 只需要白紙及筆就可以 遊戲以彈球方式用家需用筆畫出不同線條在紙上, App會立即呈現你畫出的線條 令彈珠撞向線條反彈 (其實唔用紙筆, 就咁用手或物件都可以被確認為線條) 點擊圖片放大 另外一個遊戲叫「Numbers」故名思義就係玩計數啦 遊戲配件分別有0-9同埋骰仔1-6點, 以海洋為主題! 只要出數字牌並將加起對啱Apps顯示的數字就可以 而且佢每一關D魚魚都好得意! 點擊圖片放大 +3 Photo by CANON 5D Mark III, Len | EF 24-70mm f/2.8L USM 呀劍評分: 10分 呀劍評語: 真係超級正! 同埋好有意義, 將大家成日對住既iPad帶番去現實生活, 用App去配合,讓小朋友可以靈活練習各樣知識...(點解我評語咁官腔!) Osmo Genius Kit 簡介 Osmo 是個寓教於樂的獨特遊戲系統，為你的 iPad 開創實體遊戲的無限可能。以出色的人工智能技術精心打造，Osmo 的先進技術跨越現實及數碼遊戲的領域。Osmo Genius Kit 全面擴展 Starter Kit 的功能，為現有的遊戲套裝加入更多新款遊戲及 Numbers。整套遊戲系統讓孩子探索不同領域的知識，包括科學、數學及藝術等。兼容 iPad 2 或更新的型號，並附有五種非常有趣的遊戲，包括 Numbers、Tangram、Newton、Words 及 Masterpiece。 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
