農曆新年就到啦! 今日冇咩時間嚟個短線遊 知道旺角新世紀個遊樂場裝修完, 所以就近近地行過去玩吓跳吓放吓電 【呀劍萬帥facebook專頁 http://www.facebook.com/kimfamilytraveltips】 我哋沿住大埔道行落去太子 途中經過細細既遊樂場, 呢度叫「白楊街兒童遊樂場」 因為佢四圍都係馬路好多車經過, 所以如非必要都唔會俾小朋友嚟呢個場玩! 不過我哋經過時見到有團體寫揮春, 所以就入去拎番張! 芊芊就一支箭跑咗入去玩! 媽咪就同哥哥排隊拎揮春! 點擊圖片放大 +2 跟住妹妹都走埋去睇吓, 伯伯就揀咗個「聰明伶俐」送俾芊芊 之後見佢哋咁興奮, 所以都俾佢哋喺度玩多陣! 咁細個場都已經玩到唔捨得走 其實好多時反而係父母唔捨得同小朋友喺咁細地方玩, 想要帶佢哋去更好的地方 但係對小朋友嚟講其實佢哋已經好開心lu 玩玩吓佢哋又爭起上嚟, 哥哥話芊芊唔跟佢節奏搖 芊芊又話哥哥逼住佢坐得唔舒服 唉! 真係煩死人, 但係又覺得好得意 好唔容易終於叫到佢哋走, 最終行到嚟新世紀個Food Court "FOOD OPERA" 個兒童遊樂場就喺外面! 遊樂場都算大, 不過佢係向橫發展既大! 一路行到最尾的地方都幾闊敞, 可以跑嚟跑去 今日都幾多人! 全程真係要跟住芊芊跟到實一實! 點擊圖片放大 遊樂場既設施唔算好特別, 都係韆鞦瀡滑梯嗰幾味! 比較少見既算係呢個, 唔知咩名堂! 不過都幾過癮 哥哥唔知做咩事, 平時叫佢望鏡頭都苦瓜乾咁既樣 但係今日就捉住我不停叫我同佢影相 點擊圖片放大 +8 喺遊樂場既中間位置, 放咗個大Booth, 係「功夫熊貓3」一個小迷宮 哥哥幾乎同每一個角色都影張相, 跟住又同芊芊玩起伏匿匿! 點擊圖片放大 +7 行到去遊樂場尾尾既位置, 突然又放番一個俾BB玩既超小瀡滑梯 然後佢哋同其他小朋友玩起「追」上嚟! 最後因為太大風就俾佢哋玩多陣就走了 我哋喺商場裡面搵吓夜晚食乜嘢! 下一站>>CLICK HERE! 【飲飲食食】Mekiki no Ginji 目利きの銀次 Royal Grill @旺角新世紀廣場 MOKO Photo by CANON 5D Mark III, Len | EF 24-70mm f2.8L USM 呀劍評分: 5分 呀劍評語: 要喺商場裡面搵到咁大既露天平台兒童遊樂場, 都買少見少! 呢度可以任跑任跳! 而且佢設係Food Court隔離都幾方便! 新世紀廣場 簡介 新世紀廣場位於港鐵旺角東站上蓋，樓高七層，商場內匯聚各式商鋪及中西食肆，是年輕人及內地遊客的消閑購物熱點。商場亦設有多種娛樂設施，包括備有IMAX影院的電影院及大型戶外兒童遊樂場等。 地址 旺角太子道西 193 號 (港鐵旺角東站D出口) 營業時間 上午10 時至晚上10 時 電話 2397 0790 網址 https://www.moko.com.hk (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
