帶住小朋友去食嘢, 最好不過就係有得放佢哋一邊玩, 大人就舒舒服服咁食嘢! 最近喺屏山發現呢個食住玩, 玩住食既好地方 - "唐 Tong's road house seafood + grill" 【呀劍萬帥facebook專頁 http://www.facebook.com/kimfamilytraveltips】 我哋去完陶氏摘士多啤梨之後就搭K65巴士直接到屏山輕鐵站落車 上一站>>CLICK HERE! 【親子好去處】元朗 流浮山 陶氏休閒生態農莊 行天橋過對面就會見到呢個咁大既招牌! 一個好大好大既鐵閘入口! 好有氣勢呀... 好特別既尖頂小屋寫住"Tong's Carnival" 周圍既環境都好有嘉年華Feel 有個好大既停車場同埋好型既厠所! 其實厠所裡面有洗手盆, 但係佢外面都設置咗一個洗手位置 放便只係想洗手既朋友! 入到嚟就有棵閃閃既樹嚟歡迎你 我哋當時大約5:30到仲未入夜, 到咗夜晚睇仲浪漫呀! 喺Weekend晏晝既時侯有自助餐嘉年華 逢星期六,日11am-4pm, 大人$328, 小朋友$180 (唔知有冇其他收費如加一) 仲有個特別為小朋友而設既兒童餐飲區, 有卡通電影睇, 有顏色畫紙陪住小朋友食嘢 (其實我心諗咁先至食唔到嘢囉!) 在外面可以望到廚房裡面既情形(啱啱影到佢整Pizza!) 睇住兩隻雞係度用炭燒真係好吸引, 真係一個好好既Display, 見到都想Order 餐廳有露天位置, 客人可以坐喺出邊! 不過記住留意天氣, 如果潮濕都可能幾多蚊 穿過餐廳另一邊就係一個小花園, 放了些盆栽, 同埋有個沙池同韆鞦 點擊圖片放大 +4 呢個用車軚砌既Minion好攪笑呀! 好有創意 點擊圖片放大 開餐之前俾佢哋喺度玩吓! 等佢哋放完電就可以有胃口開餐 我就番埋去位度睇餐牌, 睇吓有咩食! 叫定俾班大帝食! 本來呢度有個兒童進食區, 有部大電視播住卡通同埋枱上有D畫紙同顏色俾小朋友畫 但係只係For中午個Buffet先有, 但係姐姐都好好人, 佢拎咗盒顏色同兩張紙俾佢哋兩個畫 餐牌印得好清楚好簡潔! 相同實物都冇出入(我用電話影咗成本Menu落嚟) 點擊圖片放大 +19 蕃茄三文魚大蝦天使麵 $195 California $125 走地雞 $210 食飽之後兩個就過去後面張枱度畫畫! 畫完再去沙池度玩多陣 離開之後搭個輕鐵, 兩個站就去到豐年路轉西鐵lu...都好方便^.^ Photo by CANON 5D Mark III, Len | EF 24-70mm f/2.8L USM 呀劍評分: 10分 呀劍評語: 係貴咗少少...不過正所謂「一分錢一分貨」真係一流無得頂 唐 Tong's road house seafood + grill 簡介 「唐」座落於元朗唐人新村，佔地5000呎。「唐」的設計意念源自歐美漁人碼頭，讓客人以不同方式體驗傳統的漁港，以供應最新鮮食材為本。重點推介海鮮市場內的海產是採用來自世界各地最時令的種類，每日新觧空運到港；此外還有多款上乘肉類供客人挑選，將漁村風情盡現大家眼前。「唐」室外設有一個大花園，有多種供小朋友玩樂的設施，品嘗美食之餘也讓大小朋友共渡天倫親子樂。 地址 新界元朗屏山唐人新村路1號 開放時間 星期一至四 12:00 pm – 12:00 mn 星期五及公眾假期前夕 12:00pm – 1:00 am 星期六 11:00 am – 1:00 am 星期日及公眾假期 11:00 am – 12:00 mn 交通 輕鐵屏山站沿天橋到對面唐人新村路口 電話 3521 0144 網址 https://www.facebook.com/5-Senses-Korean-BBQ-Restaurant-5enses-SSP-982894571778222/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
