Hello Kitty 中菜軒都開咗成年 今日終於有機會去試吓! 芊芊一見到 Hello Kitty 就好開心喇! 幾時有人會開番間「獸電戰隊」主題餐廳? 對男仔公平D呢 ^>^ 【呀劍萬帥facebook專頁 http://www.facebook.com/kimfamilytraveltips】 啱啱去完九龍公園打咗個轉, 過埋食晏時間差唔多2點 上一站>>CLICK HERE! 【親子好去處】尖沙咀 VeryMK 百呎農場 Tree Gun Farm + 百鳥苑 Aviary @九龍公園 Kowloon Park 我哋就行5-8分鐘就嚟到 Hello Kitty 中菜軒 開店之後一直都未嚟, 因為驚太多人要等位, 同埋之前去街冇嚟開呢頭 一如我所料真係冇咩人, 一嚟到就直入有位坐, 仲坐喺大 Hello Kitty 隔離 影相話咁易! 影完又影, 食食吓又影, 坐喺隔離幾時影都得! 每張枱面都刻有 Hello Kitty (真係蝕落去而唔係就咁印上去) 門口隔離放咗個玻璃櫃擺放住好多Hello Kitty的產品 嗰隻Hello Kitty公仔要$398, 唔知有冇人買呢? 原來裡面環境唔算大 不過到處都會見到Hello Kitty, 吊燈, 牆飾, 茶壼茶杯都有 點擊圖片放大 +3 店內有一個房間都放了幾張枱, 這裡的特色係牆上面掛住既Hello Kitty畫 Hello Kitty係著住中國服飾, 有D係拎住個琵琶好得意! 不過睇睇吓幅畫又幾有日本風 跟住我就諗住去個厠所，順便睇吓佢厠所會唔會好Hello Kitty 點知除咗門口塊牌之外，裡面都唔係太特別！ 等咗唔駛太耐就有嘢食喇，呢個叫做「翡翠蝦球蛋白飯 $128」 下面綠色嘅原來係蒸水蛋，至於點解綠色可能係加咗D綠茶粉 鮮蝦餃皇 $68 最初我以為侍應擺錯咗，另外三件擰轉咗個頭 但係原來得一件蝦餃係有樣睇！味道正常，偏鹹 馬拉榚 $48 太乾身唔夠好味！ Menu本身分開上下兩部份 上半Part嘅點心都係有Hello Kitty造型，但係下半Part就只會得塊有Hello Kitty Shape嘅紅蘿蔔/配菜等裝飾 雖然呢碟春風得意腸冇得意嘅Hello Kitty造型，但係反而有驚喜，好好食！ 你可能以為佢係炸腸「両」，但係佢係腸粉皮包住春卷，佢春卷餡仲有D好似炸軟殻蟹咁嘅脆脆喺度(可能真係) $42 碟都每件值 $7 㗎！ 難得咁貴食一次，幾歹都影相影番夠本先起筷 芊芊最識食鍾意食蝦餃，所以俾個有Hello Kitty樣嘅佢食 食完之後佢仲拎起塊蒸籠紙上嚟放喺面度，好似膊Mask咁，好攪笑！ 食得七七八八之後我哋再叫多個芒果布甸(係哥哥至愛) 等緊嘅時侯我哋出去同佢個生招牌影番幾張相先 點擊圖片放大 +2 嘩，Hello Kitty芒果布甸嚟啦！$58 好貴囉！ 其實有Hello Kitty造型只不過係布甸上面粒朱古力...玩嘢咩！ 點擊圖片放大 +2 離開哈佬吉蒂貓之後我哋出發去香港歷史博物館啦 下一站>>CLICK HERE! [親子旅遊] 尖沙咀 香港歷史博物館 Hong Kong Museum of History Photo by CANON 5D Mark III, Len | EF 24-70mm f/2.8L USM 呀劍評分: 8分 呀劍評語: 主題餐廳都係為影相多過為食㗎啦！不過我證實到一樣嘢，食物嘅造型真係會令食嘅人開心好多！兩個小朋友食嘅時侯都特別快特別多，當然佢味道都唔係太差，尚算可以！不過可能一年先嚟一次囉，因為我哋埋單都$431！茶位每個$12，仲要加一，所以....你明嘅！ HELLO KITTY 中菜軒 簡介 位於佐敦的Hello Kitty中菜軒為全球首間Hello Kitty中菜餐廳，經已於2015年6月1日正式開幕。Hello Kitty中菜軒邀得兩位擁有近40年港日粵菜經驗的重量級名廚，用上有機天然五色食材，以天然、健康及有機原則製作Hello Kitty粵式點心及小菜。 地址 佐敦廣東道332-338號利來洋樓A至C地舖 開放時間 星期一、星期三至星期日及公眾假期：上午九時三十分至至下午五時開放/ 展覽館開放至下午 交通 1. 港鐵佐敦站C2出口，步行約5分鐘 2. 港鐵柯士甸站B2出口，步行約7分鐘 電話 8202-8203 網址 http://www.hellokittychinesecuisine.com.hk/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
