都有一段時間冇嚟過科學館! 好多時都係等到有特別主題展覽先會入場玩吓 但係今日就隨意沒有計劃地主攻科學館個「兒童天地」 【呀劍萬帥facebook專頁 http://www.facebook.com/kimfamilytraveltips】 我哋在Moomin Cafe食飽飽之後芊芊就沿途瞓著咗! 上一站>>CLICK HERE! 【親子餐廳】尖沙咀 Moomin Cafe @海港城 Harbour City 而哥哥都有少少飯後睡意, 所以打算搵個地方休息一下 因為今晚約咗媽咪等佢放工後喺尖東睇聖誕燈飾 所以就到就近既歷史博物館行吓 因為兩個小朋友都冇咩電, 所以入去香城餐冰室度坐吓 始終係星期一冇咩人, 裡面大把位! 任坐唔嬲 但係跟住哥哥又唔想休息, 又話好想玩! 我問佢想到歷史博物館睇香港舊嘢影相 定係去對面科學館玩! 佢諗番起科學館個兒童天地, 就好快就答我想去科學館 於是我哋就行番過對面科學館買咗飛入場 成人$25, 小童$12.5, 芊芊(3歲或以下)免費 我哋入場後就在同一層度玩吓D科學嘢 俾哥哥認識吓電流, 因為佢以前嚟嗰陣都只係3歲 依家就嚟6歲都有足夠能力去認識 點擊圖片放大 都係嗰句, 星期一人少, 館內只有幾對家庭, 10個小朋友都唔夠 所以想玩咩就玩咩都唔駛排隊 點擊圖片放大 +5 玩完一輪芊芊都仲未起身, 我就帶哥哥上兩層去兒童天地放電啦 哥哥記性真係差, 呢度每一樣嘢佢都冇印象, 唔記得自己有冇玩過! 所以我真係覺得影相好重要! 唔知點解佢好鍾情於呢部泡泡機, 話D泡泡好似水母! 點擊圖片放大 我自己撳咗幾吓都冇哂力 佢真係厲害可以玩咁耐! 點擊圖片放大 +11 跟住我哋落去搵番芊芊 今次搭升降機上去兒童樂園玩 點擊圖片放大 +17 玩吓玩吓玩到個天都黑埋, 平日科學館關7點, 所以佢哋好盡情咁玩 點擊圖片放大 +8 平日呢個排哂長龍(其實只係等於打機)既設施叫做「道路智多星」 今日真係得1個人排隊, 我哋梗係唔執輸! 哥哥同芊芊都各玩一次 因為屋企冇得玩, 喺呢度就梗係玩番夠本 每人可各玩3分鐘, 唔知係咪今日少人, 所以玩既時侯覺得時間過得特別慢 哥哥勁撞車..... 點擊圖片放大 +4 最後我哋玩到6:30就去同媽咪會合食晚餐同睇燈飾lu! 下一站>>CLICK HERE! 【飲飲食食】尖東 全聚德烤鴨店 Hong Kong QuanJude Roast Duck Restaurant Photo by CANON 5D Mark III, Len | EF 24-70mm f/2.8L USM 呀劍評分: 7分 呀劍評語: 今日連地下個層都冇去過, 主力都係兒童天地! 覺得又幾開心喎, 可以唔駛睇時間, 輕輕鬆鬆咁陪住佢哋玩咗2粒幾鐘! 番到屋企兩隻嘢都即刻大覺瞓 科學館 簡介 內容涵蓋科學和技術方面。和傳統的博物館不同，香港科學館鼓勵參觀者們親身參與和探索展品。對於小童而言，是個予教於玩的好機會 地址 香港九龍尖沙咀東部科學館道二號 開放時間 平日 及 假期 上午場 09:30 – 14:00 下午場 15:00 – 19:00 票價 標準票價 港幣$ 25； 學生，長者和殘障人士 港幣$ 12.5； 週三免費入場 交通 搭乘東鐵/地鐵線在尖東站/尖沙咀站下車。P2出口出站，跟隨指示前行大約5分鐘。 如果你在紅磡附近，可以考慮從東鐵紅磡站的D1出口前往暢運道。再沿著科學館路前往歷史和科學博物館。 電話 27323232 網址 hk.science.museum 電郵 enquiries@hk.science.museum (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
