今日我一拖二(But有工人^.^) 帶佢哋去遊船河! 不過上船之前同佢哋喺海港城行個圈 俾佢哋扮吓遊客係咁CHAP CHAP CHAP! 【呀劍萬帥facebook專頁 http://www.facebook.com/kimfamilytraveltips】 一早起身食過早餐做埋假期功課之後 我哋就向尖沙咀出發啦! 我哋喺廣東道入口行入海港城 即刻見到既係呢隻咁巨大既聖誕鹿! 好過癮好得意 可能今日係星期一同埋12點幾, 所以一個人都冇! 想點影都得 點擊圖片放大 因為我哋最後要去到碼頭上船, 所以我哋向住LCX方向行 去到「海港城‧美術館」見到有個畫展 於是就順手行埋入去睇吓! (我最鍾意呢種冇Plan既行程) 點擊圖片放大 哥哥每一張畫都影, 番到屋企睇相嗰陣佢都好開心咁講番每張相影嗰陣既情況我知 點擊圖片放大 我哋不約而同都好鍾意呢幅著上鹿衫手握著一個心的畫作 點擊圖片放大 +2 我都好鍾意呢個貼在玻璃窗上既月亮貼紙 嚟到棵咁靚既聖誕樹面前冇理由唔影番幾張! (影緊途中好多人行嚟行去, 明明見到我拎住咁X大部相機喺度影相都唔識閃開, 好在哥哥同芊芊好好耐性) 上到LCX門口, 見到呢幾張嘢唔識佢哋(後尾知佢哋叫Sticker Monster), 但係好得意好colorful所以同佢哋影番張相 其實依家D卡通仔都冇咩特色, 一個shape加點線做既五官就叫做新Character 點擊圖片放大 +4 再行入去一路都有佢哋既蹤影 最過癮係呢架藍色Shop Bus可以上埋車影相 我好鍾意呢個得意雪榚筒, 除咗有眼口鼻, 頂頂仲有個燈膽! 繼上次去過銅鑼灣既吉卜力店, 今次我哋嚟睇吓尖沙咀呢間一店 門口既龍貓今次係等企定定Mode, 相比銅鑼灣門口嗰隻拎住把遮就遜色咗D 同埋尖沙咀一店裡面比較細D, 冇咁好行! 不過同樣裡面都有架貓巴士, 佢上面個牌仲寫住係「香港」! 不過感覺呢隻貓巴士對眼唔夠大.... 點擊圖片放大 佢哋兩個見到上次我買俾佢哋既波兒同波兒BB就好興奮 跟住芊芊拎住另一隻有腳波兒然後同我講 「Daddy, 呢隻未有喎」笑了..... 差唔多夠鐘上船啦, 我哋急急腳離開海港城向住尖沙咀碼頭出發lu 下一站>>CLICK HERE! 【親子好去處】維港 Aqua Luna 張保仔帆船 Photo by CANON 5D Mark III, Len | EF 24-70mm f/2.8L USM 呀劍評分: 6分 呀劍評語: 如果大家既小朋友定力好, 唔會隨便扭買玩具, 咁平日經過吉卜力店, 帶佢哋入去行吓睇吓佢哋都已經好開心! Happy Playmas 展覽 簡介 海港城自2002年起每年聖誕都與「香港血癌基金」聯辦籌款活動，今年將會與本地創作單位Communion W再度合作，邀請著名美國年輕插畫家Andy Rementer為海港城設計「HAPPY PLAYMAS」聖誕裝置及「HAPPY GO LUCKY」限量版精品，讓大家除了感受玩味十足的聖誕氣氛外，同時為「香港血癌基金」受惠者送上一份暖意洋溢的關懷。 Copyright © Timable 「Vida．Life．生活」Eva Armisén個人畫展 簡介 繼兩年前於「海港城‧美術館」舉辦的首個個人展覽《細味‧片刻》大受歡迎，西班牙藝術家Eva Armisén載譽歸來，於2015年12月10日至2016年1月4日於「海港城‧美術館」再度舉辦個人展覽《Vida‧Life‧生活》，展出超過20幅Eva最新的創作，當中包括Eva特別創作以香港為背景的全新畫作“Family Portrait”。 Copyright © Timable LCX x Sticky Monster Lab 「The SML Toy Shop 聖誕玩具樂園」 簡介 今年聖誕，LCX找來亞洲人氣高企的南韓設計團隊Sticky Monster Lab (SML)，於聖誕節期間將LCX打造成復古風格的玩具店，展出SML多款的經典作品， SML的怪物化身做店員，於聖誕期間將歡樂氣氛帶到LCX。Xplus更優先發售最新的SML的精品，希望各位都挑選到喜愛的聖誕禮物! 期間更會與Toy Soul 合作，舉行Toy Soul 2015預展，用玩具將歡樂氣氛帶到LCX! Copyright © Timable 吉卜力精品專門店 簡介 於 2013年6月21日(星期五) ，在香港尖沙咀海港城LCX，開設由著名日本動畫大師宮崎駿及高畑勲所領導的“Studio Ghibli”(吉卜力工作室)動畫電影為主題的精品專門店 “Donguri Republic”(橡子共和國)。 http://info.hibarn.com/2013/06/06/donguri-republic/ 地址 海港城‧美術館 & LCX中央展覽區 (近顧客服務部) (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
