美孚, 一個你以為得美孚新邨同嶺南之風既地方 今日帶住一家四口去到四期商場裡一個鮮為人知既酒家嘆番個下午茶「東海滬」 【呀劍萬帥facebook專頁 http://www.facebook.com/kimfamilytraveltips】 啱啱睇完小王子展覽就嚟到美孚食番個Lunch 上一站>>CLICK HERE! 【親子好去處】金鐘 小王子雕塑展 Christmas Wonder with The Little Prince "The Little Prince Art Collection" & "The Little Prince In The Dark" @太古廣場 Pacific Place 點解話佢「鮮為人知」因為佢真係坐落於美孚四期商場3樓 本身呢個商場都唔多人行, 仲要係3樓! 我哋走入商場後行上麥記對住既扶手電梯上到1樓 跟住U turn再上2樓, 已經見到條柱貼咗東海滬叫你上3樓 上到2樓你見唔到再有扶手電梯上3樓 因為你會見到有個小小既樓梯入口 行上去先會去到酒樓! 其實住喺美孚新邨既朋友應該實知道呢個地方 因為佢連住四期平台 但係真係從來都咁少人, 所以唔叫佢隱世酒家都唔得! 今日入到嚟只係得2-3枱客仔 我哋揀咗坐側邊既大卡位坐 佢係一個大"U"字型既座位, 坐逼少少都可以坐到5-6個人! 佢哋例牌一坐低就畫畫... 而我都係例牌叫咗小籠包, 嫩雞煨麵同埋雞絲炒飯! 今次仲叫咗籠楊州小賣, 點知原來係全糯米做餡! 好似唔係好抵咁, 下次真係唔會叫 嘢食唔算話好特別, 不過唔係差又唔算太貴! 最緊要賣點係少人唔駛等唔駛爭, 又坐得舒舒服服! 佢哋兩個唱起頭先喺教會唱既詩歌超開心 又唱又跳古靈精怪! 好在有咁大個卡位俾佢哋玩啫 點擊圖片放大 食飽飽之後我哋就去參與一個文化館既活動日啦 下一站>>CLICK HERE! 【親子好去處】美孚 饒宗頤文化館 Jao Tsung-I Academy JTIA Photo by CANON 5D Mark III, Len | EF 24-70mm f/2.8L USM 呀劍評分: 7分 呀劍評語: 真係唔捨得介紹呢個地方俾大家, 因為似係唔多人知...上嚟一定有位, 坐得舒服! 食物唔算差, 拉麵小籠包鍋貼幾啱小朋友! 同層有自家洗手間好方便! 侍應服務態度又好! 順路可以再嚟! 地址 美孚百老匯街69-119號美孚新邨 第4期美孚廣場3樓 營業時間 星期一至日: 11:00-23:00 電話 2370 9618 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
