今日星期日離開教會後我哋先遊個電車河! 去到金鐘打算坐港鐵到美孚食Lunch... 點知發現到Pacific Place有個小王子展覽所以喺度行番個圈! 【呀劍萬帥facebook專頁 http://www.facebook.com/kimfamilytraveltips】 呢個"The Little Prince In The Dark"好特別 並非一般商場大POPS行埋去影張相就算! 佢係地下樓層(佢哋叫做LG1)設置咗兩間房, 展覽就喺裡面 由於佢哋兩個上年喺台灣華山1913都睇過小王子展覽 所以一見到小王子就已經認得出 場館外面既小王子圖像係凸起的, 而且金色位置都唔係平面印刷! 兩個場館都有指定路線分先後! 呢個就麻煩到工作人員, 因為好多人都入錯 入到去見到場館內都係用藍色光管照射 造出瑩光效果! 好在我今日有帶閃光燈出街, 所以都好清楚咁影到館內既情況 佢哋兩個都拎住自己部相機不停咁影 所有小王子角色的雕像都係沒有上色 藍色燈照落嚟之後都好靚! 點擊圖片放大 +3 佢哋兩個好似好專業既攝影師 幾乎每一個雕像都影低, 仲俾場內個「實Q」姨姨大讚影得靚 其實館內唔算多嘢睇, 一眼都睇哂, 不過相比起其他商場聖誕裝置勝在夠特別 行到去前少少既位置又有一個景點! 然後前面有兩行展示區, 都係同頭先黑房裡面既差唔多 不過今次D雕像係有顏色 點擊圖片放大 +5 其實我從來未有真正睇過小王子係講乜 不過今次行完之後我都有少少心郁郁想睇吓呢個Story! 最後嚟到呢個大型精品區都有唔少位可以影相 可能我哋搭住食飯時間, 都唔算好多人! 點擊圖片放大 +3 哥哥「等我行埋去睇吓佢寫緊咩先?!」 點擊圖片放大 睇完個展覽可以考慮吓聖誕假同佢哋去睇套電影喎 離開咗PP之後就搭港鐵到美孚, 今次帶佢哋去一個隱世酒家度食晏先 下一站>>CLICK HERE! 【飲飲食食】美孚 東海滬 Shanghai East @美孚廣場 Photo by CANON 5D Mark III, Len | EF 24-70mm f/2.8L USM 呀劍評分: 7分 呀劍評語: 對於一般商場聖誕裝置嚟講, PP呢個小王子展覽算係幾特別, 因為可以走入黑房睇嘢幾特別, 不過黑房裡面唔夠特別, 只係得唔同既雕塑睇, 仲有唔係個個可以影得好, 大家冇咁容易可以Share! 金鐘 Pacific Place 小王子雕塑展 簡介 太古廣場特別呈獻「Christmas Wonder with The Little Prince」，讓訪客通過五感探索這個結合藝術與想像的奇幻世界。多個節慶活動及展覽將帶出聖誕佳節的真正意義，讓顧客在城中最優雅時尚的購物熱點之一，感受溫暖歡欣的節日氣氛。Copyright © Timable 地址 太古廣場 LG1 Garden Court 香港中環金鐘道88號 日期 2015年11月25日至2016年1月1日 免費參觀 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
