嚟到Time Square梗係要上食通天睇吓有咩食啦 帶住芊芊最啱就係揀D有麵食嘅地方！ 上到嚟見到呢度有間叫做「雲陽」嘅四川菜館就入去試試啦！ 【呀劍萬帥facebook專頁 http://www.facebook.com/kimfamilytraveltips】 上一站>>CLICK HERE! 【親子好去處】銅鑼灣 MetroKids by MetroBooks @Time Square 時代廣場 門口呢個竹製嘅裝置真係幾型！ 真係賣相好緊要，見到佢D嘢食相影得咁靚就即刻想入去 見到有小籠包我就更加想入去食！喺門口望一望個餐牌睇吓有冇嘢啱芊芊食先 見到有「嫩雞煨麵」就即刻入去坐！ 裡面環境都好闊敞，唔會坐得好逼，我仲可以將成架BB車放喺隔離tim！ 佢BB坐椅仲好穩陣，四隻腳仲有個碌 牆上呢張壁畫好靚！唔知係咪黃龍嘅五彩池呢？ 睇吓menu有咩好食先！ 呢度嘅杯都夠大隻唔會好似平時酒樓個隻細細嘅杯 飲一啖就要再斟過！ 店員俾咗碟前菜我哋，但係都幾過癮！係一碟爆谷 但係佢係落咗四川風味嘅辣爆谷 食落去甜甜地咸咸地，最後會有花椒八角嘅辣味 不過都係食唔慣，我食咗幾粒就唔食lu 芊芊嘅嫩雞煨麵到啦！我覺得個賣相就差少少 麵都彈牙易入口！味道就有D普通咗 之後我最鍾意嘅小籠包($42)到啦 籠小籠包上嘅時侯隔離上埋一支好似XX冰嘅嘢 原來佢係醋嚟嘅，店員教我哋要將醋X落去小籠包嘅中心 有得食有得玩梗係呢個機會留俾芊芊啦 通常我哋食親小籠包個醋都係從外面點 今次將醋放進小籠包裡面 食落去連埋裡面嘅湯融合一齊都幾好食 之後再叫咗碟蟹肉海鮮炒飯 飯粒唔乾好軟，蝦爽，蟹肉好滑！碟炒飯俾滿分呀 食飽飽我哋就準備去下一站景賢里參觀啦！ 下一站>>CLICK HERE! 【親子好去處】東半山 景賢里公眾開放日 King Yin Lei Public Open Days (2015) Photo by CANON 5D Mark III, Len | EF 24-70mm f/2.8L USM 呀劍評分: 7分 呀劍評語: 環境舒適，味道尚可，如果懶得周圍同搵食或同人逼，呢度都係唔錯嘅選擇。店內獨有洗手間，唔駛出去同人爭 雲陽 Yun Yan 簡介 摩登川菜館雲陽的歷史可追溯至1994年，以體現正宗川菜珍味及獨特四川文化為宗旨。餐廳的設計優雅時尚，更設有開放式涼菜吧枱、共用的長木桌及貴賓房，無論是個人或團體用餐，都可在雲陽享受到全方位的互動餐飲體驗。雲陽的餐牌綜合了四川百味的各種特色，展現川菜中的經典五辣：麻辣、煳辣、泡椒、剁椒及酸辣。當中有也多款非辣的美味佳餚，以切合不同口味的需要。 地址 銅鑼灣勿地臣街1號時代廣場10樓1001B號舖 營業時間 星期一至星期日：12:00 - 16:00, 18:00 - 22:30 截單時間 22:00 電話 2375 0800 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
