得知Time Square開咗間可以大人細路一齊打書釘嘅地方 所以今日專程嚟睇吓有幾正，等我帶大家行一次睇吓值唔值得嚟啦！ 【呀劍萬帥facebook專頁 http://www.facebook.com/kimfamilytraveltips】 我哋啱啱去完吉卜力專門店，然後就繼續向前行到去童裝服飾店方向 發現到一間叫做metro books嘅書店！ 上一站>>CLICK HERE! 【親子好去處】銅鑼灣 吉卜力精品專門店「橡子共和國 Donguri Republic」@Time Square 時代廣場 你睇吓兩個花牌都仲喺度...(筆者講完都仲諗緊係花牌，花籃定花圈) 喺門口放咗座好應節嘅聖誕老人Lego喺度！ 入到裡面橫睇掂睇都係一間普通書店 同Page One嗰D差唔多啦！賣吓雞腸書，文具精品等等！ 都唔見有俾小朋友睇書嘅地方嘅？ 點擊圖片放大 咁唯有同芊芊喺度掀吓書就算... 點擊圖片放大 +3 嘩原來emoji都可以係一本書！好攪笑 當我哋有少少失望想走嘅時侯 發現有條扶手電梯上去10/F(原來佢唔叫呢層做10樓, 叫"Square on 9/F) 跟住本來諗住上去搵嘢食！原來metro KIDS就喺呢度，仲好大tim呀！ 頭先門口嗰隻聖誕老人縮細咗放咗喺度 有好多生日聖誕咭買呀！ 嘩連BB孭帶同玩具都有得買 點擊圖片放大 簡直好似個mini版玩具反斗城！ 你估呢兩隻超人Batman係咩Product嚟嘅！？ 原來係個書包嚟㗎！仲有R2D2呀 轉個彎原來有個小書閣，小朋友可以揀自己鍾意嘅書坐喺呢度慢慢睇！ 望過嚟呢邊有好多兒童書籍！ 離遠已經見到有個兒童小天地啦 嘩好靚呀！今次真係可以放生芊芊俾佢自己揀D書嚟坐喺度慢慢睇啦 我當然可以自己走咗去睇自己鍾意嘅書啦 不過最吸引佢嘅都未係書，而係芝麻街Elmo 一見到就即刻坐咗落去！ 仲有隻木馬放喺度俾小朋友玩 之後芊芊就拎咗本書嚟乖乖咁坐咗喺度慢慢睇 可能仲未有好多人知呢個地方，所以一個小朋友都冇 我哋喺度留咗好耐，慢慢hea! 睇睇吓俾芊芊發現佢身後有Peppa Pig喎！ 仲拎咗本布偶圖書伸隻手入去Peppa Pig度玩 呢本書要$178，本來諗住買俾芊芊番屋企睇 但係跟住再問佢又唔記得咗，都係慳番！ 下一站>>CLICK HERE! 【飲飲食食】銅鑼灣 雲陽 Yun Yan @Time Square 時代廣場 Photo by CANON 5D Mark III, Len | EF 24-70mm f/2.8L USM 呀劍評分: 9分 呀劍評語: 最佳打書釘好地方! 襯仲未人多好快D去感受吓...大人可以休息番陣, 小朋友可以自己睇書玩公仔! 只係小心留得太耐, 你會忍唔住買嘢..... MetroKids 簡介 位於銅鑼灣時代廣場9樓的大型英文兒童書店「MetroKids by Metrobooks」面積逾3000呎，專為親子度身訂造，書店內圖書根據兒童成長時期劃分，並設有親子閱讀區、黑板等等，同時售賣益智玩具，絕對是香港親子打書釘好去處。 地址 銅鑼灣時代廣場square on 9/F(Metro Books 9/F) (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
