吉卜力專門店開咗咁耐，今日都係第一次到此一遊 最吸引我當然係店內嘅貓巴士啦！ 銅鑼灣同尖沙咀都有分店，我哋今日先嚟銅鑼灣分店濕平先！ 【呀劍萬帥facebook專頁 http://www.facebook.com/kimfamilytraveltips】 我哋穿過地下嘅Star War展覽就直接搭升降機上到九樓 一出嚟轉左就見到好大隻生招牌龍貓喺門口啦！ 芊芊一見到佢就好想攬住佢 你睇佢可以同龍貓影相幾開心 在門口旁放咗好多同龍貓造型嘅花盆 我哋第一時就走入去貓巴士度影咗相先 因為嗰陣時仲少人，成間舖都唔係好多人 好攪笑佢個牌係寫住「銅鑼灣」 我仲好記得呢兩隻喺貓巴士上面嘅老鼠車頭燈 唔知點解當年宮崎峻要畫貓巴士同呢兩盞車頭燈個樣畫到咁邪惡 但係都好多小朋友都鍾意！堅利害 店內環境 呢度有齊哂咁多套經典作品嘅角色 不論主角配角閒角....仲有d佢唔放喺度你都幾乎唔記得咗有佢嘅角色喺度 不過有D貴，要成$20一隻，不過有品質保證...唔係好似街邊買番嚟嗰D油到出哂界 呢度都有好多T恤買，我最鍾意呢件！ 不過出奇地佢哋居然冇賣童裝Size! 其他匙扣飾物 呢度有部電視播住宮崎峻嘅電影 就咁睇呢一幕估唔估到係邊套呢？(Blog尾開估) 芊芊搵到一個波兒小斜孭袋，好卡蛙兒！ 最後我買咗呢隻波兒公仔當係芊芊嘅聖誕禮物！ 臨走芊芊都要過去望多龍貓一眼！ 真係好大隻！不過都未係1:1，如果可以爬埋上去同佢影相就好囉! 離開之後我哋就去搵吓一間小朋友書店metro KIDS 下一站>>CLICK HERE! 【親子好去處】銅鑼灣 MetroKids by MetroBooks @Time Square 時代廣場 Photo by CANON 5D Mark III, Len | EF 24-70mm f/2.8L USM 呀劍評分: 7分 呀劍評語: 三個字「童年回憶」真係無得頂，不過主要都係龍貓，其他角色嘅產品好少，甚至冇囉！我見唔到風之谷嗰隻大甲蟲噢！ 吉卜力精品專門店 簡介 吉卜力官方認可精品專門店「橡子共和國 Donguri Republic」香港第二間分店於（2015年 4月 28日）正式開幕！ 商品： 龍貓及其他以吉卜力動畫電影角色為主題的精品，包括日常用品、香港版的影碟及有關書籍等 商鋪面積：1,523平方呎 地址 香港銅鑼灣勿地臣街1號時代廣場9樓925C鋪 營業時間 上午10時至晚上10時 網址 http://www.benelic.com/service/donguri.php (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
