踏入咗11月咁耐，今日終於有少少凍意 我哋出咗嚟銅記玩，知道皇室堡有Peppa Pig 第一時間同Pig粉芊芊影番輯靚相啦 【呀劍萬帥facebook專頁 http://www.facebook.com/kimfamilytraveltips】 我哋行到去皇室堡門口 芊芊一見到入口擺放嘅大Peppa Pig POPS就即刻走過去攬住佢個大鼻 雖然D公仔都係著哂滑雪裝 但係成個氣氛真係一D都唔凍！ 呀芊真係超多Pose，可能由細細個開始就訓練有數 影咗地下入口個少少POPS 跟住就直接上二樓繼續搵吓其他Peppa pig 場內唔多人唔會話有好多人排住隊等住影相 係POPS隔離放咗個雪撬喺度 佢哋自動波已經識得埋位 芊芊直接坐落哥哥度！哥哥都好配合抱起芊芊坐喺自己大脾 準備上三樓之際見到有個Peppa Pig專櫃 賣大量Peppa Pig精品同聖誕產品！ 佢哋兩個又好乖冇扭我買玩具 不過見到哥哥眼神流露咗少少貪心目光！ 上到嚟三樓佢哋兩個見到人哋舖頭外有呢個扮車嘅Display喺度 即刻走埋去坐喺度扭軚盤，咁都玩得一餐！ 呢個設計真係成功，攪到我都唔好意思唔扮吓望一望入面D衫！ 三樓又發現咗一個角落仔有影相區！ 今次到Peppa Pig爸爸同細佬George 呀芊連環4張相都可以短時間內擺出不同嘅Pose 好利害！ 點擊圖片放大 +2 最後我哋再上去其他層數都見唔到Peppa Pig嘅蹤影喇 就係得咁少...真係有D失望！本諗住以為應該仲有其他嘢睇或者活動之類 最後俾我哋接到個味千拉麵小姐，咁啱佢哋又勁鍾意食麵 兩個就走埋去扮食俾我影番幾張相喇 之後仲發現玩具反斗城隻長頸鹿 唔講都唔記得呢隻長頸鹿係Toyrus嘅吉祥物 影埋之後我哋就向維園進發 參加由教協主辦嘅閱讀嘉年華 一齊喺大草地上面睇書啦！ 下一站>>CLICK HERE! 【親子好去處】銅鑼灣 第27屆閱讀嘉年華 @維多利亞公園 Victoria Park Photo by CANON 5D Mark III, Len | EF 24-70mm f/2.8L USM 呀劍評分: 4分 呀劍評語: 以為除咗POPS會有其他特別嘢，而且佢仲將每個裝置分佈喺唔同層數，仲要得3層有，真係少到癲，完全唔集中！即便連地下入口個隻都唔算吸引，咁點叫人走入去！ 地址 香港銅鑼灣告士打道 311 號 網址 http://3dhk.com.hk/ 電話 2895 0668 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
