呢個場面喺電視新聞就見得多啦！ 掉蕉，掉水杯，飯盒會，拉布...等等 今日終於親身踏足立法會啦 【呀劍萬帥facebook專頁 http://www.facebook.com/kimfamilytraveltips】 上次我哋去過兒童學習室之後 今次我哋補番上次錯過咗嘅立法會教育導賞團 [親子旅遊] 金鐘 立法會兒童學習室 Lecgo Children’s Corner 添馬公園 Tamar Park 今朝我哋喺屋企食過早餐之後兩兄妹就手拖手出發 同上次一樣搭港鐵去到金鐘海富中心A出口上㚘手電梯過條天穚就到咗 離遠已經見到朋友仔一早到咗！ 因為時間未到，所以喺呢度玩陣先！ 起初我以為呢個只係一張櫈咁簡單 之後俾芊芊發現咗原來有個搥勾咗喺度 可以拎落嚟敲鐵片發出唔同聲響！ 有高有低，可以俾一家大細一齊喺度合奏 同上次一樣早15分鐘入嚟做安檢同埋登記拎番張訪客證 喺登記處附近原來有一個留言區 如果唔想打字，特別係小朋友，可以轉去Drawing Mode 芊芊唔知畫咗D咩？似係個魔鬼定骷骼骨頭 今次就有得搭扶手電梯上去喇！ 可以近距離望到呢個巿民生活剪影藝術品 上咗一層都只係圖書館嘅二樓，所以再搭多次扶手電梯上三樓 上到嚟可以望番落去二樓就見到立法會會議廳外的訪問區 就係成日新聞見到D官員喺度俾記者訪問嘅地方 呢度就係公眾記者席 普通巿民原來都可以預約喺星期三開會嘅時侯做旁聽 如果我唔駛做嘢我諗我都好有興趣嚟睇吓 入到去裡面首先見到牆上面呢個凹凸「立」字嘅Logo 好有型！ 嘩終於見到呢個平時只有新聞先見到嘅地方 第一個感覺好似歌劇院咁！ 今日哥哥都帶咗部小相機 因為佢上次提我記住下次去街一定要帶部相機俾佢 佢自己就拎住一路拍低佢自己想影嘅嘢 (番到屋企先發現佢多手轉咗去video mode所以今日全日都係影咗movie) 加埋上面影嘅圓型燈真係幾有氣派！ 兩個嘢真係喺我影相嘅時侯好合作！ 特別係妹妹，每次樣同Pose都唔同 當大家都喺度聽住導賞姐姐介紹， 我就同佢哋3個小朋友影番張相先！ 離開咗會議廳之後 導賞姐姐一路帶我哋行過歷史長廊 呢班小朋友梗係唔會有興趣聽所以一支箭跑到嚟呢度 嚟番張大合照先！呢班人嘅 Pose真係冇得頂 如果有機會真係想佢哋第日大個之後再keep番呢個Pose再影過 新舊立法會模型對照！ 呢度好得意無端端有個投影樹林 唔知係咪D風水嘢 最後都唔係好專心咁聽咗導賞姐姐講埋其他嘢 我哋就落番去地下大堂 點擊圖片放大 +3 當然要同佢哋喺個「立」字下面影番張大合照啦 之後我哋都預約咗入去兒童學習室都玩咗一陣 因為今次唔係講故事環節 只係互動學習活動 原來係冇人負責，只係開放個學習室俾你入去自己玩 有得玩咭，睇圖書同埋有盒木顏色可以油圖畫 點擊圖片放大 最後同佢哋係門口側邊呢幅圖畫上面玩捉錯處遊戲 叫小朋友搵吓圖畫上面有邊D係做得唔好嘅行為 連我自己都覺得幾好玩！ 跟住我哋選擇喺裡面嘅餐廳買外賣 帶到出面嘅大草地度一邊玩一邊食 總好過出去搵餐廳食完又要番去個草地玩 而且外面撞正食晏時間又難搵位又等得耐 食物質素唔差㗎，屬正常！唔貴 記住買埋先好交還訪客証，因為出咗去就入唔番嚟架啦 買完嘢我哋就出去大草地搵個位坐低開餐啦 但係呢班細路梗係第一時間衝出去玩 都唔知佢哋咩構造，成日都唔駛食嘢，食親嘢就極速話飽！ 點擊圖片放大 +8 玩完我哋就去下一站展城館 下一站>>CLICK HERE! 【親子好去處】中環 展城館 City Gallery Photo by CANON 5D Mark III, Len | EF 24-70mm f/2.8L USM 呀劍評分: 6分 呀劍評語: 如果嚟開呢個大草坪野餐歡聚一個下午，加埋呢個餘興節目都唔錯，又可以俾小朋友見吓立法會，可以親身踏足新聞裡見到的地方 P.S.大家記住可以預約埋兒童學習室嘅講故事環節 立法會教育導賞團 簡介 為了提高市民對立法機關的工作的認識，以及為他們提供參觀立法會綜合大樓設施的機會，立法會秘書處為綜合大樓的訪客安排教育導賞團，費用全免。 地址 香港中區立法會道1號立法會綜合大樓 開放時間 由於開放時間及其他活動可以個別預約，所以未能在這裡詳盡記錄，建議參閱提供網址 交通 金鐘港鐵站A出口上行人天橋直達 網址 http://www.legco.gov.hk/chinese/education/teach_children_corner.html 電話 3919 3441 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
