今日星期六又撞啱小朋友冇嘢學嘅日子 諗緊有咩近近哋嘅地方好去！又唔想去開平時嗰幾個公園 今次一於行遠少少，去上李屋花園玩玩啦！ 行到去九龍栽判法院對面的入口 睇見個招牌上面「上李屋花園」個字都甩哂色 凸字平面圖都好污糟 裡面幾乎冇人，只有呀伯一兩個 我哋一直向上行，有少少暗斜！ 用嚟玩Scooter都幾正！ 點擊圖片放大 行到去一個羽毛球場度，一個人都冇 我哋就拎個波出嚟踢一陣 想踢幾大力就幾大力！ 點擊圖片放大 +2 我哋喺羽毛球場都Hea咗成廿分鐘 跟住就再向上行睇吓有咩 呢種唔趕時間他他調調嘅感覺真係好 行到上嚟原來有兩個籃球場！ 跟住我哋都黐呀叔波打 我都好似未正式喺Hysan面前打過籃球 我射咗幾球都唔入(真係自從佢出世都冇玩過) 佢覺得Daddy好屎 跟住玩玩吓佢要我抱起佢射籃 點知射射吓波居然遇上意外！ 話說當時芊芊都喺我附近 跟住哥哥射波，個波撞框彈番出嚟 跟住我本能反應驚個波會撞落去芊芊度 我就即時放手以為哥哥可以企番喺地下 點知佢落地時侯個額頭快過手撞落地下 就攪成咁...跟住唯有行程就停喺呢度 本來仲打算行去李鄭屋，都係留番下次lu... Photo by CANON 5D Mark III, Len | EF 24-70mm f/2.8L USM 呀劍評分: 4分 呀劍評語: 平平無奇嘅公園，不過勝在上李屋歷史悠久，同埋呢度極少人！所以肯定唔會霸唔到場打波！ 上李屋花園 簡介 落成於1952年，為房協所興建的第一座出租屋邨，本座落於深水埗樂年花園的位置。因房協為非牟利機構，故獲政府廉價撥地和長期低息貸款，屋邨建成後，房協再以低價租給市民居住。它的規模不大，合共只得幾座，但單位設計美觀，周邊設施亦較齊全，屬早期質素較高的公營房屋。1990年，上李屋邨被拆卸重建，而在原址旁邊，則留有一座名為上李屋花園的公園。 地址 深水埗大埔道北(北九龍裁判司署對面) 營業時間 每日上午7時至晚上11時 網址 www.lcsd.gov.hk/en/ls_fac.php 訂座電話 2741 4044 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
