去完茶具博物館我哋就繼續向尤德觀鳥園同視覺藝術中心進發 誓要成個香港公園行哂佢先走! 去到附近又發現原來呢度又有一個兒童遊樂場 【呀劍萬帥facebook專頁 http://www.facebook.com/kimfamilytraveltips】 上一站>>CLICK HERE! 【親子好去處】金鐘 茶具文物館 Flagstaff House Museum of Tea Ware @香港公園 Hong Kong Park 我哋先向觀鳥園進發 係呢個時侯居然見到有松鼠喎 我哋一步一步慢慢行希望唔好俾佢發現 佢喺個垃圾筒度搵嘢食 越行越近終於俾佢發現咗跟住佢就即刻爬咗上竹樹度! 但係Hysan見到有松鼠都已經好興奮 其實呢度分咗兩個區域, 一邊係雀鳥展覽區 另一邊先係尤德觀鳥園 分別係一個真係展覽, 所有雀鳥在籠裡俾人觀賞! 觀鳥園就身置鳥園內去觀賞 所以小心隨時中招! 因為冇帶長鏡頭所以都好難打到雀! 我鍾意佢用一條木橋貫穿成個鳥園 其實個感覺好似D古裝片皇上係御花園散步 我哋睇完雀仔就向視覺藝術館進發 離遠都見藝術館, 不過發現前邊有個遊樂場! 佢哋兩個即刻跑過去玩 唔算大, 都唔太污糟! 玩得過 佢分開咗上下兩層, 佢哋兩個不停喺度玩個旋轉瀡滑梯 佢哋兩個專登慢動作咁瀡落去 攪到後面塞哂車, 真係激死人! 點擊圖片放大 +2 好似條瀡滑梯係自己咁 不過佢哋一見到有人要瀡落嚟都會即刻快瀡唔阻住人! 點擊圖片放大 +3 因為都差唔多5:30我驚視覺藝術館都閂門 所以叫媽咪自己先去睇 我陪佢哋玩多陣先過埋嚟 今日天氣好焗，入嚟除咗參觀之外最想就係入嚟嘆冷氣 咁啱今日做緊展覽 係高錕教授嘅畫展 聽講係佢患上腦退化症之後的畫作 呢個係慈善展，大部份畫都作義賣 點擊圖片放大 呢個畫展希望引起大家對腦退化症嘅認識 俾大家睇到高錕在患腦退化症之後在繪畫中尋找到樂趣 就連佢用過嘅畫具都好值錢 點擊圖片放大 最後我哋離開前喺汽水機買咗包提子汁 芊芊好醒目，包嘢飲跌咗出嚟之後佢叫我飲先 大家梗係以為佢好乖啦 其實佢只係想我飲咗先，之後佢就可以成包拎走去飲 之後我哋去搭叮叮到中環然後坐港鐵番屋企lu... 今日一整日嘅由禮賓府到動植物公園再到香港公園嘅行程 終於完結啦！真係成身散哂 Photo by CANON 5D Mark III, Len | EF 24-70mm f/2.8L USM 呀劍評分: 5分 呀劍評語: 觀鳥園我覺得細咗D，好快就行完，視覺藝術中心就視乎當時做緊咩展覽啦，不過去開香港公園的話都係值得一去嘅地方！ 尤德觀鳥園 簡介 它以已故的尤德爵士命名。觀鳥園內設有一條高架行人道，遊人經此通道穿梭於樹冠之間，既可在不同的高度觀賞園內雀鳥、樹木和植物，亦可從不同的角度欣賞山谷全景。此外，高架行人道的設計適合坐輪椅者使用。 開放時間 每日上午九時至下午五時 費用 免費入場 地址 香港中區紅棉路 19 號 交通 金鐘港鐵站 C1 出口 網址 http://www.lcsd.gov.hk/tc/parks/hkp/specialties/edward_youde_intro.html 電話 2521 5041 ------------------------------------------------------------------------------------------------------------------------- 香港視覺藝術中心 簡介 它是一個開放的、多向的、着重藝術學習和交流的藝術空間。無論是全職的藝術創作者、業餘的愛好者，或普羅市民，都可以在這裡獲得藝術的養分、創作的機會，讓生活變成藝術。 開放時間 星期一、三至日：上午10時至晚上9時 中秋節、冬至、聖誕前夕、新年除夕及農曆新年除夕：上午10時至下午5時 星期二、聖誕節及翌日、元旦日、農曆年初一至三休館 費用 免費入場 地址 香港中區堅尼地道7A 交通 金鐘港鐵站 C1 出口 網址 http://www.lcsd.gov.hk/CE/Museum/APO/zh_TW/web/apo/va_main.html 電話 2521 3008 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
