喺羅桂祥茶藝館行過嚟唔駛1分鐘就到茶具文物館啦 你以為又係睇歷史文物一定悶親D小朋友 但係其實裡面有個兒童遊戲室你又知唔知 【呀劍萬帥facebook專頁 http://www.facebook.com/kimfamilytraveltips】 去完羅桂祥茶藝館，行兩步就過到嚟茶具文物館啦 上一站>>CLICK HERE! 【親子好去處】金鐘 羅桂祥茶藝館 K.S.Lo Gallery @香港公園 Hong Kong Park 咁啱今期做緊一個展覽「從豆奶到普洱」 我都幾有興趣想睇，睇吓點樣由維他奶變咗講飲茶 未入去剩係企喺門口都好有博物館味道 因為文物館嘅建築都好英式好靚 一開門望上去就一大盞吊燈 真係好有Feel！ 畫面一轉就已經係遊戲室 因為佢哋一支箭跑入去轉左就見到 兩個即刻喺度玩茶點遊戲 喺度扮吓斟茶砌Cake咁 點擊圖片放大 我同媽咪就趁機周圍參觀 遊戲室唔係多嘢玩，只係幾張小枱放上茶具積木 同埋有一邊放了幾部電腦問答遊戲 但係如果你行開香港公園行到攰攰哋 走入嚟嘆嘆冷氣坐吓俾小朋友自己玩都唔錯 點擊圖片放大 +4 佢哋繼續自己一齊玩 我梗係要扮客人俾佢哋服侍 芊芊俾茶我我要扮飲...哥哥切Cake俾我又要扮食 可能我扮得太似嘅關係，芊芊好擔心我以為我堅食 即刻同我講「唔食得㗎Daddy!」 點擊圖片放大 +8 無理啦更有個紙板警察俾人塞個頭影相！ 我都冇去參考點解...影完就算(佢哋爭住係咁叫我影，本身我都冇興趣) 跟住又上去睇吓個展覽係乜傢伙！嘻嘻... 因為我係嗰D懷舊控...一見到六七十年代嘅復古嘢我就會癲 點知... 吓，就係得呢個櫃放住關於維他奶嘅嘢喇... 仲要除咗最頂個排係舊樽身之外 下面個D已經係依家最新嘅包裝囉喎... 隔離嗰D已經又變番哂古碗古壺 攪笨(對我呢D唔識茶嘅人嚟講...) Photo by CANON 5D Mark III, Len | EF 24-70mm f/2.8L USM P.S. 茶具文物館將於2015.12.1至2016.8.31分期進行翻新工程 大家喺度開始裝修之前快d去參觀一次啦 之後我哋行埋香港公園另外兩個景點尤德觀鳥園同埋視覺藝術中心 下一站>>CLICK HERE! 【親子好去處】金鐘 尤德觀鳥園 Edward Youde Aviary + 香港視覺藝術中心 Hong Kong Visual Arts Centre vA!@香港公園 Hong Kong Park 呀劍評分: 6分 呀劍評語: 主要係介紹個遊戲室俾各位，都係一個中途攤抖站之選！ 茶具文物館 簡介 茶具文物館的主要工作是保存、展出與研究茶具文物及有關的茶藝文化。茶具文物館的基本藏品由已故羅桂祥博士(1910-1995)捐贈，其中以宜興茶具最富代表性。 開放時間 星期一、三至日：上午10時至下午6時 聖誕前夕及農曆新年除夕：上午10時至下午5時 星期二（公眾假期除外）、農曆年初一及二休館 費用 免費入場 地址 香港中區紅棉路 19 號 交通 金鐘港鐵站 C1 出口 網址 http://www.lcsd.gov.hk/CE/Museum/Arts/zh_TW/web/ma/tea-ware.html 電話 2869 0690 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
