今日到屯門準備同Hysan去屯門公園玩一陣 經過V City就諗起同事讚口不絕嘅「天仁茗茶」 知道一田新開咗呢間分店，一於落嚟試吓先！ 【呀劍萬帥facebook專頁 http://www.facebook.com/kimfamilytraveltips】 天仁茗茶屯門店9月18日於V city一田開幕 之前已經錯過咗佢嘅新店優惠$32/2杯雪榚 因為我知道嘅時侯已經過咗優惠期 不過聽朋友講佢嘅茶都非常好飲，有回甘！所以今日經過嚟試一試 點擊圖片放大 當時未夠11點，所以個超巿好少人 店內有個靚仔哥哥，我就問吓佢有咩正嘢飲 最後都係好想飲杯正宗珍珠奶茶 我覺得如果連呢杯咁普通嘅嘢飲都整得唔好飲就唔駛試其他 價錢唔算太貴$20左右一杯 今次特別D試杯珍珠鮮奶茶 其實聽個店名好似係賣茶葉嘅地方 冇理由會賣珍珠奶茶咁攪笑 番屋企起佢底先知原來佢都係為咗擴大個巿場同年輕化 所以先進駐埋呢個Market! 點擊圖片放大 廢話少講，杯茶攪掂啦！個杯上面D公仔又幾得意喎 即刻同Hysan一人試一啖睇吓先 因為佢鮮奶味重，所以小朋友飲都唔怕 個職員哥哥仲好體貼咁問「好唔好飲，如果你想茶味重番D下次可以同我講」 我覺得唔差，但係又唔算特別好好飲！不過珍珠唔太甜，好好哨 之後我再試多杯913奶茶..... 嘩真係有回甘架，第一次飲凍奶茶都有呢種感覺！ 希望佢再開多幾間，可以周街都係，咁就隨時都買到嚟飲啦！ Photo by CANON 5D Mark III, Len | EF 24-70mm f/2.8L USM 呀劍評分: 8分 呀劍評語: 咁多間珍珠奶茶店都飲過，呢間咁中國式咁傳統嘅天仁茗茶都幾特別，有別於其他的茶店或小食店，好多時都偏甜冇茶味，所以我會再Encore！ 地址 屯門屯門鄉事會路83號V City商場一田百貨T005號舖 營業時間 星期一至日: 09:30-21:30 交通 港鐵屯門站C出口V City地下一田超巿內 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
