今日哥哥要同媽咪喺屋企溫習一吓 有3個鐘頭要同芊芊離開一吓屋企唔好阻住哥哥 就嚟咗調景嶺體育館嘅兒童遊戲室度玩一玩放吓電 【呀劍萬帥facebook專頁 http://www.facebook.com/kimfamilytraveltips】 我哋石硤尾出發沿住觀塘線一直搭到去調景嶺終站 都只不過係大約15-20分鐘 落車出閘後A2出口行過知專設計學院就見到體育館 然後轉左行入去入口 經過幾隻Cubic熊之後就會見到兒童遊戲室 最緊要認住呢度嘅嘜頭「大潛水艇」 好幾個新建的兒童遊戲室都有佢自己嘅主題同埋標誌玩樂設施 點擊圖片放大 +3 康文署轄下每一個兒童遊戲室嘅入場守則同開放時間都唔同 去之前一定要留意同睇清楚 當時我哋去到差唔多兩點 呢度1:30-2:30係唔會開放用嚟大清洗 可能呢個場好新所以喺整潔方面都會做得好好 如果好似上次去石硤尾體育館裡面個兒童遊戲室就得人驚 太少人去又污糟，職員見唔多人入去玩就連清潔都冇！ 我上網睇過話呢度因為人多要攞籌，好似天暉路體育館一樣 不過今日我嚟就唔駛攞籌，只係遊戲室外放了40張櫈 只要坐滿，其他人就係後補狀態 (因為每一節入場人數以人頭計上限為40) 不過因為大家都會坐得比較疏落，所以唔會40張櫈都有人坐 其他人就在櫈附近嘅位置排起隊 不過我覺得差嘅係冇指示，有d朋友(遲過企喺度排隊嘅人嚟)就咁企埋去櫈附近 博大霧！所以應該要至少有一個職員喺出面睇住秩序 坐喺出邊等咗半個鐘終於入得去！ 芊芊好乖咁除咗鞋將對鞋放入去鞋架裡面 芊芊已經等咗好耐一入場就即刻爬咗上去 點擊圖片放大 +2 呢個滑梯我諗芊芊瀡咗超過30次都有 因為佢係一個"L"字型嘅瀡滑梯 而且佢嘅質地好跣，只要你爬上去預備滑落嚟 一瀡就沖得好快咁跣出嚟 點擊圖片放大 +2 一瀡落嚟好快即刻又爬番上去排隊再瀡過！ 點擊圖片放大 +3 呢度嘅洗手間係設置喺遊戲室裡面 都好乾淨同職員都好仔細 因為當時我哋係著住襪入場玩 諗住去洗手間就廢事著番鞋入去 即刻俾職員叫住一定要著番鞋先好入洗手間 呢度其他設施就冇咩人理 因為所有注意力都去咗個滑梯同埋架大潛水艇度 點擊圖片放大 +10 最後再戰瀡滑梯跟住就離開呢度 足足玩到佢成節完先肯走！ 點擊圖片放大 +2 離開咗體育館之後去到外面 沿住樓梯行上去其實仲有個室外遊樂場 嚟到順便上去望一望！ 點擊圖片放大 呢個遊樂場個樣好似石硤尾邨那個有九成相似 石硤尾邨 美賢樓 美笙樓 兒童遊樂場 http://kimfamilytravel.blogspot.hk/2015/09/shekkipmei-estatet-playground.html 當然呢度比較大仲多咗幾個新穎嘅設施 呢個就係其中一個啦，我暫且叫佢做冬甩 大家只要企喺度或者坐喺度 按著坐最高者嘅重量就會潮下方急墜 都幾刺激㗎，所以芊芊唔敢膽玩！喺上面嘅都係d大哥哥大姐姐 點擊圖片放大 +6 最令我覺得驚訝嘅就係呢個鐵皮瀡滑梯 政府唔係因為危險全部都拆走哂㗎咩？ 當然呢個係新做嘅有一定嘅安全性 但係實在太高啦，我估都有2-3米....如果坐喺上面瀡落嚟應該都幾快 嚟到呢一邊就係同美賢樓個遊樂場一模一樣嘅攀架喇 點擊圖片放大 最後差唔多4:00我哋就離開準備回程番屋企lu... 跟住芊芊已經在港鐵上瞓著了 番到屋企咁啱哥哥都溫習累了瞓緊晏覺lu.... Photo by CANON 5D Mark III, Len | EF 24-70mm f/2.8L IS II USM 呀劍評分: 9分 呀劍評語: 將軍澳始終係算後期發展城巿，所以好似將軍澳單車館內的兒童遊戲室一樣都係好新好乾淨管理得好好(包括天水圍天暉路體育館的兒童遊戲室)，雖然裡面設施款式不多，但係剩係個瀡滑梯都已經夠吸引，免費嚟講算係咁啦，但係都唔少人㗎！如果你要嚟玩記住要早D呀！ 調景嶺體育館 兒童遊戲室 簡介 毗鄰調景嶺港鐵站的調景嶺體育館兒童遊戲室，以海底世界為主題，在2015年4月23日起投入服務是康文署最新的免費兒童遊戲室。調景嶺體育館兒童遊戲室設有大型潛水艇和海底洞穴等設施，以藍色為主調，適合小朋友遊玩。 地址 將軍澳翠嶺路2號 開放時間 9:00am-10:15am 10:30am-11:15am 11:30am-12:15am 12:30pm-1:30pm 2:30pm-3:15pm 3:30pm-4:15pm 4:30pm-5:15pm 5:30pm-6:15pm 6:30pm-8:00pm 費用 免費入場 交通 1. 港鐵調景嶺站A2出口步行5分鐘 電話 2481 5033 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
