今日同芊晞兩個去咗搵大伯飛髮！ 之後大伯推介咗我哋一家新開嘅茶記食晚飯 叫「紅磡冰室」，點知有驚喜！ 【呀劍萬帥facebook專頁 http://www.facebook.com/kimfamilytraveltips】 兩個嘢喺度整蠱做怪！ 喺嘢食未嚟嘅時侯當然又喺度畫畫 呢度環境唔錯有好多架位 有少少西式感覺，而且服務態度都好(呢樣最緊要)！ 老細好好人仲安排咗我哋坐咗喺六座位嘅架位度 等我哋可以坐得好舒服又可以放呢樣嗰樣 打開個餐牌，小菜類都係60-80蚊大約 因為我同媽咪都唔係太肚餓，所以我哋今晚決定唔叫小菜 叫咗兩個碟頭，一個係菠蘿炒飯，一個係干炒豬扒烏冬 菠蘿炒飯先登場，嘩真係成個菠蘿蓋放上嚟 打開個蓋一陣菠蘿香飄過嚟 而且個飯仲熱辣辣 雞肉超嫩滑，炒飯勁爽！唔會好濕住黐立立 佢哋兩個食得好快...好食佢哋先至會食成咁 點擊圖片放大 跟住到干炒豬扒烏冬 同一般烏冬差唔多，還要好！ 唔多油，好香！特別之處係塊豬扒 我估佢係用蛋醬落去炸！一咬落去我細個d回憶番哂嚟 真係冇誇張...嗰種炸香味我唔會忘記 食飽飽我哋就番屋企lu... 然後同芊芊影番張靚靚相先！「我個新髮型靚唔靚先！」( 其實都冇咩分別) Photo by CANON 5D Mark III, Len | EF 24-70mm f/2.8L IS II USM 呀劍評分: 8分 呀劍評語: 叫冰室嘅真係大把，但係真係做到懷舊嗰種味道真係少之有少，大家以冰室名義都係抽水多，裝修放幾件舊嘢古董就以為自己係攞正牌嗰D冰室質素，呢度我真心覺得可以再番嚟食多幾次 地址 北角炮台山英皇道165-171號公主大廈地舖 電話 3954 5867 營業時間 星期一至日: 07:00-23:00 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
