今日我哋去咗一家親子餐廳 Fullhouse Signature 好似去咗個樂園咁, 周圍都係POPS! 好多公仔任你影! 睇吓D嘢食得唔得先! 我哋買咗團購可以$90當$150用 我總共買咗3張, 即係用$270可以食$450 本來都諗住一家大細都夠哂食! 點知... 因為我哋係番完教會跟住去食Lunch 我哋Book咗12:45, 襯未夠鐘就去隔離K11度行個圈 喺地下個層見到有個機械人! 原來係一個自拍神器 只係Touch Screen俾指令機械人就會有得影相同埋send番俾自己 佢哋兩個玩到唔願走 呢度真係一個充滿藝術氣質既商場 周圍都係藝術品 Hysan指住每一樣嘢問我咩嚟 我話「你想像到係乜嘢就可以當佢係咩架啦」 又見到奈良美智... 仲有好多好得意搓圓撳扁既藝術品 點擊圖片放大 +2 呢到呢層見到明和電機 佢哋睇住個電視裡面既片段 見到呢個叔叔發明咁多咁得意既嘢 跟住見到呢度有實物佢哋就好興奮! 點擊圖片放大 +5 呢支香檳槍真係好有型! 不過就好麻煩囉.... 喺度Hea到差唔多時間我哋就出發去餐廳啦 哥哥夠力抱起妹妹啦!! 見到哥哥抱住妹妹行真係好攪笑.... 最後仲.... 大冬瓜跌咗落地 壓死呀妹啦..... 點擊圖片放大 我哋離開咗K11就喺一街之隔就已經見到fullhouse signature個入口啦! 成間餐廳都係喺地底, 門口只係放咗個蛋榚櫃! (成架粉紅老爺車咁好靚靚!!) 點擊圖片放大 講真如果睇唔到有條樓梯落去 可能就咁喺門口見到只係賣甜品ONLY! 門口已經放咗好多個唔同既POPS fullhouse signature係以幸福家庭為主題 所以見到好多好得意好Warm既公仔 點擊圖片放大 行到去樓梯口, 有佢哋招牌一家四口既POPS喺牆上面! 唔知會唔會有真人著呢D角色上身扮佢哋呢?! 沿住樓梯慢慢行落去下一層! 首先見到既係一個好似cafe的空間 呢度唔太似用嚟用餐既地方 一般應該係俾客人傾租用婚宴場地既地方! 我估如果太多人既時侯呢度都會開放俾客人High Tea卦 點擊圖片放大 +4 呢度地方好大, 右手邊就係餐廳用餐既地方! 職員姐姐好好, 俾了門口旁邊的梳化位置我哋 仲送埋兩份小禮物俾佢哋, 一人一筒小小木顏色 仲派咗兩張有佢哋角色既紙俾佢哋填色 我之後睇番筒木顏色都價值$10架! 放喺門口呢個爸爸造型POPS好得意, 兩個小朋友即刻攬住佢同佢影番張相 其實仲有個媽咪先至係一對, 不過佢哋將媽個POPS搬咗去台前 鍾意影相既我哋梗係跑上去台前同佢都影番張相啦 室內環境好光猛! 廁所都好乾淨(不過廁所冇特別設計或其他POPS) 而且好寛敝坐得好舒服! 絕對有位放BB車 (企係台前角度) 好利害!! 佢哋仲幫角色造咗一系列既公仔同精品 唔知有幾多人會嚟呢度食嘢之餘買埋紀念品走呢？ 佢唔通真係以為自己係米奇老鼠定哈佬吉蒂？ 點擊圖片放大 +2 我哋就係坐咗喺呢個全場唯一嘅梳化位置啦 睇落去似係幾舒服，但係當其中一人想離開吓去個厠所 都真係幾麻煩！一個人出要成張梳化移出 我仲即刻登記咗做會員，拎咗張會員咭！ 餐牌設計得好靚好有心思 成本故事書咁一打開先介紹Fullhouse家族所有成員 之後根據食品嘅特色安排家族成員有唔同嘅打扮 而且將圖畫同文字結融合得很簡潔，非常清楚易明！ 點擊圖片放大 +4 先嚟兩杯沙冰($52/杯)！我打8分，尚算OK！ 燴原隻鮮鮑魚伴炒飯及露筍($145) 鮑魚好林炒飯好爽! 粟米雞蓉湯($48) 普通! 我覺得太過溶, 如果有番D粟米粒可以咬吓會過癮D 大蝦西蘭花忌廉汁闊條麵($138) 香草蕃茄汁牛肉丸意大利粉($108) 味道尚算可以, 不過意粉好似少咗D 同埋價錢食物唔成正比! 不過講真.... 場內既環境俾你影相價錢都加哂喺D食物度都正常既 呢度仲有個展板將小朋友喺度畫既畫貼上去 好似真係幾Warm咁喎! 食完個飯本來諗住番屋企, 但係途經尖沙咀站去咗 K11 Art Mall 行咗個圈 [親子旅遊] 尖沙咀 K11 Art Mall - The Secret Life of Design Exhibition Photo by CANON 5D Mark III, Len | EF 24-70mm f/2.8L IS II USM 呀劍評分: 7分 呀劍評語: 景靚公仔得意，出Post呃Like贏哂！嘢食算一般中尚，不過價錢略貴，我本人覺得嘢食值$60-70，依家成舊水一碟都係無非包埋你食景嘅錢！服務態度唔係差，但係唔可以叫好，我覺得既然以家庭幸福滿屋為主題，我都唔希望侍應係悶悶不樂咁Serve自己 Fullhouse Signature 簡介 Full House Signature 是來自馬來西亞的過江龍主題餐廳，以「滿屋」作主題，一來取其「滿座」的意思，二來亦解作「浪漫幸福滿屋」。 Full House Signature 餐廳內部裝潢結合了家庭及婚宴兩個幸福主題，配合品牌原創卡通公仔，娓娓道來卡通角色爸爸Thmoas、媽媽Tracy、哥哥Tony、妹妹Tiffani一家的故事 地址 尖沙咀加拿芬道25-31號國際商業信貸銀行大廈地下1A舖(河內道K11對面) 電話 2369 2813 營業時間 星期一至日: 12:00-23:00 招牌菜 FB專頁 http://www.fullhouseworld.com/hk/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
