今日嚟咗樂富嘅「茶木‧台式休閒餐廳」試一試！ 每次經過門口都排哂長龍！ 等我哋一家入去試吓有幾好食先 上一站>>CLICK HERE! 【親子好去處】樂富 香港玩具博物館 HK TOY MUSEUM 茶木每一間分店都分別以唔同嘅題目做主題 樂富這一家分店就用咗「音樂」為題 室內環境設計都係同音樂有關 我最欣賞係吊在天花上的燈 都係用一大燈泡配合咪Stand垂吊落嚟 點擊圖片放大 先跟餐嚟一杯酸梅湯醒醒胃！ 然後嚟個黑油雞翼麵俾芊芊食 因為佢特別鍾意食麵！ 不過我就覺得個麵乍咗D，一來雞翼唔特別入味 二來呢款扁身粗麵口感我麻麻地 點擊圖片放大 之後嚟呢碟原隻菠蘿咕嚕肉就好正 呢個係小菜客飯跟頭先嗰杯酸梅湯 一來佢冇呃你唔係用罐菠蘿，二來佢真係呢四分一菠蘿切出嚟嘅 而且咕嚕肉好好味，外面卜卜脆，裡面熱辣辣仲好林冇骨！配埋隔離有少少士多啤梨藍梅等超吸引 客飯唔係個個小菜都得㗎，有D好大碟有D超唔抵食，有D可以好難食！ 之後再試吓D西式嘢！一碟雞肉蝴蝶粉 冇咩驚喜又唔失望咁囉 不過都你睇番個價錢就覺得唔太值 我覺得呢碟嘢最多值$55 之後試吓呢度嘅嘢飲睇吓得唔得先 叫咗杯「許願樹」當然要睇番佢係乜嘢溝乜嘢！ 原來係士多啤梨溝紅豆，估唔到....出奇地好好飲 上面仲有塊迷你OREO，蛋卷一條，仲有球綠茶雪榚 最後最後壓軸出場 梗係呢個「草苺香草磚塊蜜糖吐司」 好多人專程而嚟都係食佢 首先賣相不得了，真係見到都流哂口水 起初以為可以當甜品咁食，但係食食吓真係好飽，其實可以當晚飯食都得 每一層打開原來見到下一層 麵包炸到脆卜卜，邊皮挖空一粒粒嘅磚塊塗滿了蜜糖 再點埋少少雪糕同士多啤梨醬真係超強冇得輸 最後加埋客飯送贈嘅甜品藍苺Cheese Cake 真係飽到上頭頂！ 離開嘅時侯都只係七點幾！ 已經排到條龍長一長...我哋就食完返歸拜拜先 Photo by CANON 5D Mark III, Len | EF 24-70mm f/2.8L IS II USM 呀劍評分: 8分 呀劍評語: 價錢同品質相乎，甜品同飲品都好掂！湯麵就爭咗少少，小菜套餐同其他意式粉麵都OK，可以encore 地址 樂富聯合道198號樂富廣場1樓1108-1110號舖 電話 2363 0339 營業時間 星期一至星期五: 11:30-23:00 星期六、星期日 及 公眾假期: 11:30-23:00 招牌菜 草苺香草磚塊蜜糖吐司 ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
