「㗎咩㗎咩哈！」識嘅人就知我講咩 今日終於嚟到樂富嘅玩具博物館懷舊一下 對於佢哋兩個小朋友只係識得Micky同Pepper Pig 呢d先叫做經典！好開心可以成為那個時代的細蚊仔 我哋搭地鐵由石硤尾到樂富只係兩個站 玩具博物館就喺樂富廣場既A區 如果大家眼利上咗扶手電梯之後望去對面三樓都已經見到玩具博物館喇 搭扶手電梯上到三樓又 或者行到最尾轉左手邊可以搭Lift直接上到去 如果搭Lift一出嚟就會見到博物館 但原來博物館唔可以算係一個館 只可以話係一行Display櫃!! 應該叫玩具博物櫃 HAHA... 妹妹啱啱瞓醒起身 所以個人傻吓傻吓! 其實喺商場三樓既兩端都放著幾排的Display櫃 一邊係超懷舊玩具 一邊正係我哋八九十年代細蚊仔既童年回憶 嘩真係好舊好舊好舊好舊好舊好舊 點擊圖片放大 +26 我最鍾意呢個唔著衫既玩具....(好變態) Hysan望住每一件玩具都覺得好好奇! 呀芊完全冇咩興趣 剩係想瞓覺同埋食嘢... 點擊圖片放大 +3 佢扮緊後面隻科學怪人玩具! 去到三樓既另外一邊 終於睇番D熟悉既面孔! 佢哋唔單止係玩具咁簡單 佢哋仲係經典到爆既卡通! Sailor Moon呀! 當年細個好鍾意呢班長腿姐姐 最靚女係火野麗同Vinus! 最憎梗係............禮服幪面俠啦! 點擊圖片放大 老實講呢D唔可以叫做玩具 只可以叫做Figure 因為識貨既人一定拎住喺手上玩 只可遠觀而不可褻玩焉 知唔知點解企最前個悟空會帶咗個面罩呀! 答案一陣揭曉.... 聖鬪士呀!!! 仲記得細個買呢幾盒模型嗰陣時 你只可以選擇砌個星座 或者砌個人! 仲有細細個嗰陣都唔識嘢 拎住佢哋嚟玩打交 攪到打欄哂佢哋... 點擊圖片放大 嘩暗黑聖鬪士 佢做既場景都好靚好配合幾個角色 點擊圖片放大 +5 真係太令人懷念啦!!! 明明星矢幾乎得一招「天馬流星拳」 但係細個睇極都唔會覺得悶 跟住到變型金剛啦 因為當時得亞視轉播所以勁少睇 點擊圖片放大 +2 「超時空要賽」又係正到爆又經典既一套卡通 點擊圖片放大 +2 呢個半飛機半機械人係最經典既一個造型 點擊圖片放大 睇完玩具又未到食飯時間 同佢哋兩個經過一吓AEON行陣街啦 佢哋都好乖冇點扭買玩具 見今日Hysan去完Interview咁叻叻 奬勵佢俾佢扭一隻蛋啦! 依家D扭蛋真係貴到傻 當然妹妹都有啦 佢揀咗隻呀樂JOY@Inside Out! 之後我哋落咗去下面既「茶木」食晚飯啦! 下一站>>CLICK HERE! 【飲飲食食】樂富 樂富廣場 茶木‧台式休閒餐廳 TeaWood Taiwanese Cafe & Restaurant Photo by CANON 5D Mark III, Len | EF 24-70mm f/2.8L IS II USM 呀劍評分: 7分 呀劍評語: 咁當然係唔夠喉啦！如果真係有一個好大嘅博物館咁就可以攞滿分喇 香港玩具博物館 簡介 領匯聯同導演彭順於樂富廣場舉辦的「領匯香港玩具博物館」位於商場A區3樓，分2大部份，展有多個經典玩具系列，包括香港製造系列、塑膠玩具系列、電動玩具系列、鐵皮玩具系列等。現階並展品未有達萬件，但各展品會不定期更新，歡迎各位玩具迷朝聖。而且更展出逾千件極具價值的玩具藏品，包括首度曝光的限量版玩具及從外地搜羅的絕版玩具！ 地址 樂富廣場A區3樓 開放時間 上午11時至晚上10時 費用 免費入場 交通 港鐵樂富站A出口 電話 2338 4442 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
