今日有個機會入到嚟元朗 梗係去吓啱啱開咗唔夠一個月既YOHO MALL 同埋去玩吓佢個好潮既兒童遊樂場(官方只係叫做綠化空間) 我哋搭輕鐵761P由天水圍番去元朗總站 穿過YOHO MALL 一期(即以前的新元朗中心)經天橋去二期 見到YOHO MIDTOWN既位置啦! 形點就係前面....(其實呢個名我覺得幾怪, 冇中文名好過) 點擊圖片放大 我哋第一時間想去個綠化空間睇吓 所以冇走入去商場裡面 沿住商場右手邊一直行就係喇 襯機會又教吓個仔英文先 Playable Art! 玩得既藝術! 最先見到係呢個叫做「迷宮搖搖板」 最多可以4個人一齊玩 2個人都可以玩到 呢度有兩個搖搖板 但係兩個迷宮都唔同 一個係容易版另一個係超難版 容易版本係有牆隔開的 高難度版係針狀迷宮 芊芊呢個時侯又瞓咗... 繼續沿住條路一直行 點擊圖片放大 見到商場既另外一邊 我哋見到報導中成日提及個「草地上盪鞦韆」 當時兩點幾都唔係好多人 的確係幾靚! 睇落去似係一個藝術區 唔講都唔知原來可以走埋去玩! 冇特定排隊位 大家自己想玩就行埋去等人哋玩完行埋去就得 有得爬有得玩Hysan即刻就跳上去個水滴度玩啦 唔知道如果我上去玩條鍊會唔會斷呢!? 玩到癲哂好開心! 不過如果喺個水滴未停低就跳落嚟 就一定會俾個水滴撞到 點擊圖片放大 +4 呢日好熱好曬, 喺呢度上蓋有多個圓波波顏色膠片組成 喺圓型膠片之間透射少少陽光落嚟 好似曬太陽咁, 加埋有少少風吹過嚟個陣真係好舒服 點擊圖片放大 個衰仔真係俾我頭先講既嘢估中 我同媽咪已經叫佢一定要向後瞓底 點知佢又向前.....跟住就梗係成個人跌咗落地 繼而成個seat ball撞去佢個頭度! 點擊圖片放大 不過大家放心, 一D事都冇! 因為佢哋好輕好膠! 撞落頭度都唔會痛 好有藝術氣息既YOHO雕塑品 之後上咗去一樓影番落嚟 仲有之前喺網上見到呢度仲有一個好靚既瀡滑梯 所以要親身嚟望一望!!!! 但係當我好期待咁行去搵吓個滑梯, 點知... 滑梯就喺度! 但係維修緊....SOSAD 我睇到相佢夜晚仲會發光架! 唯有下次再嚟過啦! 好似話暫時個瀡滑梯開到10月31日 因為妹妹未起身, 所以我哋入去商場裡面行吓嘆吓冷氣 我哋周圍行行吓, 咁啱俾我哋撞見有職員出嚟派Balloon!! YEAH 唔駛1分鐘所有balloon已經俾大家掃哂 之後沿路見到好多人喺度問「邊度派架??」 真係Thanks GOD! 點擊圖片放大 呢度唔算好大, 不過個設計都真係幾特別! 周圍既設計都有好多唔同既形狀SHAPESHAPESHAPE 跟住我就諗起可能佢想SYN番個「形」字! 唔怪得之唔係叫「型點」 點擊圖片放大 呢期仲攪緊個MOET試飲活動 但係要到夜晚七點先至開始派 等唔到咁耐lu.... 連呢個查詢中心都好有格調! 型爆 三樓其實都唔算一層 只可以話係半層! 妹妹仲未起身... 我哋見到呢個大扮牌都即刻走過去影番張相 好似望緊YOHO MALL賣廣告咁hahaha 呢度同Vcity一樣, 周圍有D大Mon喺度可以拎定所有食肆既飛 妹妹起咗身啦! 我哋帶埋呀妹出去頭先個遊樂場仔玩 原來個水滴對呀妹嚟講太高有少少危險 所以佢唔敢玩, 都係同媽咪乖乖咁坐喺呢個搖搖坐櫈度 呀芊有呢個balloon已經好開心!! 玩到唔停手...仲帶埋番屋企 哥哥又再玩多次....不過今次就乖冇再跳車啦 之後公公婆婆都嚟埋見吓對孫 今次夠4個人一齊玩呢個搖搖板啦 我哋嘗試呢個超高難度既針針迷宮 起初因為整極都整唔到個波入去圓心 跟住有少少唔開心 但後尾當大家開始攰攰地我堅持繼續玩 幾經辛苦我哋都終於可以將個波運到去中間個圓心啦 哥哥即刻開心番哂 明白Try again and again, it will be successed! 夜晚番到屋企仲繼續喺度玩緊個balloon 我哋縛到條繩短少少 等佢哋兩個跳起搶...佢哋已經覺得好好玩! 哈哈 呀妹跳極都拎唔到跟住就喺度喊....笑死我 點擊圖片放大 兩個汽球到第二朝仍然喺屋企四周圍飄浮緊.... Photo by CANON 5D Mark III, Len | EF 24-70mm f/2.8L IS II USM 呀劍評分: 7分 呀劍評語: 商場不是太大, 主攻時下年青人, 所以商店都不是太適合一家大細行, 個遊樂場的確係吸引, 那個水滴韆鞦係幾潮, 不過太少嘢玩, 我諗小朋友都係情願揀番傳統遊樂場好玩D 形點 YOHO Mall 簡介 9月1日率先開業，新商場樓高三層, YOHO Mall商場的戶外綠化空間達15萬平方呎，為營造不一樣的商場體驗，設計上加入藝術及玩味元素，設有四大裝置，影得又玩得，迴旋滑梯和鞦韆晚上還會亮燈。裝置不額外收費，逢星期一暫停開放作日常檢查及維修。 地址 新界元朗元龍街8號 電話 (1期)2651-1861/(2期)2476-9920 網頁 www.yohomall.hk (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
