原來想搵好嘢食真係要蜎窿蜎罅 今日俾我搵到呢間位於石硤尾YMCA裡面一角落的細小Cafe 只係期間限定，逢星期六先至開店嘅 TiMachinE 其實就係巿政局圖書館(七樓）下一層六樓 在樓下已經見到有Banner介紹 呢度逢星期日仲會有手作巿集 打開Lift門之後你唔會覺得呢層有餐廳 不過....當你轉左就會見到YMCA嘅青少年服務中心 無錯餐廳就喺裡面，當我開門入去見到成班後生仔喺度玩 又有童軍又有小組真係估你唔到裡面有間隱世餐廳 沿住走廊繼續直入就去到盡就會見到餐廳招牌 (仍然係有班細路喺度唔知做咩) 我估好多喺度嘅小朋友都同呢度餐廳嘅廚師同侍應混熟哂！ 裡面唔大只係坐到幾枱人 見到好多細路喺度食緊Tea 心諗呢度d嘢食會唔會好快餐店呢... 難得哥哥幫爹哋媽咪影番一張相 角度又幾好喎...係矇咗少少 先望望張餐牌 有小食、意粉、漢堡、All-Day Breakfast都有 嘢飲都唔差喎有好多款式揀 唔係剩係得奶茶咖啡檸水檸茶阿華田 仲有特色飲品㗎喎！ 餐牌雖然只係Print張Fancy紙過咗膠 但係設計上都睇得出係有心思嘅 原來呢度係由12個後生仔 經由社工幫手同政府申請咗資金再喺呢度開舖 所以呢度唔知開到幾時㗎 可能隨時就會消失架！所以大家要把握機會嚟試一試 點擊圖片放大 餐廳裡面仲有呢個梳化座位 不過驚小朋友唔夠高食嘢所以我哋都係揀番喺枱度食 所以嘢食未嚟就周圍影吓相 仲有兩隻馬騮公仔喺度俾小朋友玩 見d嘢食未嚟我就出去周圍影吓 行到去廚房見到5-6個人喺度預備緊 但係當時得我同另一枱客 因為禮貌嘅關係我就廢事影佢哋做緊嘢嘅情況 始終人哋可以有獨家秘方haha... 點擊圖片放大 裡面都有d特別的裝飾物，一個復古電話 當然我就要話俾Hysan知爹哋以前細個就係用呢d電話..... 講到咁誇張佢都信...其實應該話係我呀爺年代就差唔多 不過佢舊又舊唔哂，原來唔係堅舊係假舊... 工人同芊玩得好開心... 其實我就等緊佢d嘢食快d到囉... 可能運作真係未好成熟 所以等嘢食到都真係需要一段頗長時間 先嚟杯「芒果紳士」係芒果加檸檬嘅汽水，好飲！ 呢杯叫「青檸之都」真係連名都好有心思 佢真係幾薄荷清涼感覺！青檸味重，唔會好甜個隻 「帕瑪森野菌意粉」兩個小朋友清哂 我食都冇食過，總之佢哋話勁好食 連Hysan都講誇張嘢，話要日日都嚟呢度食 點擊圖片放大 「流心班尼迪蛋」Egg Benedict All-Day Breakfast 佢唔係我食過最好食嘅，但一定唔係最差！ 酸甜辣一起的層次做得幾好 流心蛋都恰到好處！只係件包(好似唔記得烘)同塊煙肉有少少OEM 「迷你漢堡配洋䓤圈」堅好食！ 最Impress唔係個飽，反而係洋䓤圈！ 感覺唔油同埋鹽中的鹹又帶點洋䓤的甜 真係要俾10分洋䓤圈 點擊圖片放大 +2 最後呢碟就平平冇驚喜 唔夠Juicy好乾... 可以俾到賣相分！ 到6:30就開始熄燈，突然氣氛咗好浪漫！ 頭先仲光charncharn好似小童群益會咁！ 影吓呢個扮古老大鐘先！ 最後我哋叫咗個「火焰雪山」同埋「酥皮朱古力香蕉卷」 好對唔住，個「酥皮朱古力香蕉卷」真係堅堅堅堅好食 佢有酥皮包住條蕉，裡面再有朱古力醬，外面再有呍尼拿汁伴碟 所以真係嚟唔切影相.... 得番個「火焰雪山」上枱片同芊芊食到成面係嘅樣大家睇.... 超值得支持嘅小店，真係小店 因為靠政府基金支助唔知可以捱幾耐，希望大家星期六有時間去食吓 俾多d信心佢哋班後生仔出嚟開番間！ Photo by CANON 5D Mark III, Len | EF 24-70mm f/2.8L IS II USM 呀劍評分: 8分 呀劍評語: 個門面幾吸引嘅，好似好有風味咁！不過佢唔係差，都俾我尋回嗰種四川味道，如果Openrice嘅評級我只係會俾OK，可以一試，服務態度唔差，不過坐得幾迫 TiMachinE 簡介 位於石硤尾香港中華基督教青年會中棲身的TiMachinE，經社工蔡堅茵(Addam)的穿針引線，裏面12個老闆仔，申請到「匯豐社區夥伴計劃」基金，由零開始，營運每周限定一日的社企餐廳，亦因計劃暫會資助老闆仔們，去擁實戰的經驗，故未知營業期到那天。 地址 九龍窩仔街100號石硤尾邨第二期服務設施大樓6樓A座 電話 9644-6199 營業時間 逢星期六下午2時30分到晩上9時 招牌菜 FB專頁 https://www.facebook.com/TiMachinE.HK (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
