今日去咗石硤尾街巿上面個平台玩，真係可以話係沙漠中嘅綠洲呀！ 因為自從搬咗嚟石硤尾之後，我哋都好少踩單 但係俾我發現咗呢個又大又少人嘅地方，終於可以俾佢哋兩個踩番夠本 其實喺附近都搵到少少地方係可以踩到單車嘅 不過始終都比較危險 因為地方唔大而且又好多人 對於踩兩個碌嘅哥哥嚟講 真係比較危險，唔係驚佢撞親自己，最驚佢撞親人 我哋沿住窩仔街同巴域街交界嘅天橋 直接行咗上去石硤尾街巿個熟食平台 上邊無錯係有幾個大排檔，不過仲有個好大嘅公園 我哋上咗天穚之後就係平台最尾尾呢個住踩番入去 呢度只係一個公厠同埋好多居民喺度掠衫嘅地方 不過呢度都間唔中會有一兩個人行 所以都唔鼓勵大家喺度呢踩 再行入去就係大排檔嘅位置 因為呢度係露天同埋向住西面嘅關係 大家最好4-6點呢段時間嚟，如果唔係就會超曬！ Hysan話要番轉頭帶媽咪過嚟... 過到嚟呢邊見到一個大公園 有好多唔同嘅遊玩設施 雖然唔多人但係始終係邨入面嘅平台位置 都會有人出出入入，一定要睇住小朋友同埋叫佢唔可以踩太快 想踩快d一陣話你知有個好地方 一見到爬架佢就即刻落車走去扮馬騮啦又 點擊圖片放大 另外一邊有個瀡滑梯 呢度始終都係屋邨 所以設施都難免俾d夜青用筆或者塗改液畫花哂 最難得係仲有買少見少嘅氹氹轉 點擊圖片放大 +4 如果想盡情d踩單車的話 呢度有個大空地話細都唔算細 足夠俾小朋友喺度踩嚟踩去！ 因為正常情況底下巿民都唔會行過呢度 點擊圖片放大 芊芊就好斯文咁慢慢踩 口裡就叫住「快d快d！加油加油！」超攪笑 踩踩吓見到幾隻鴿 對照住側邊嘅馬路影咗呢張相 真係好似石屎森林裡面嘅一片綠洲 以下圖片因為佢一邊玩我一邊伸手去攪佢 所以佢發我脾氣..... 鼓起泡腮！ 點擊圖片放大 睇住呢兩隻嘢真係遲早有一次就跌一鑊金嘅 成日做埋哂d危險動作 點擊圖片放大 +2 都係過番嚟呢度玩d斯文d嘅遊戲啦 媽咪同佢哋玩猜情尋上一級嘅遊戲 點擊圖片放大 +2 Photo by CANON 5D Mark III, Len | EF 24-70mm f/2.8L IS II USM 呀劍評分: 8分 呀劍評語: 我俾8分係因為佢夠珍貴, 係巿區裡面都真係比較難搵到咁大個空地既兒童遊樂場, 等小朋友都可以落樓下就可以盡情咁踩單車喇! 地址 石硤尾石硤尾邨商場平台 開放時間 24小時 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
