今日又同老婆拍住拖去睇演唱會! 克勤同祖兒我哋都未睇過佢哋個別的演唱會 反而第一次就睇佢哋一齊合作! 我哋坐咗喺第四行 今次帶埋支小白去影相 希望佢哋多D行嚟我哋呢邊啦!! 今日應該係第五場 先係Joey出場, 跟住唱咗陣就到克勤都升上嚟 側邊既大頭Dancer好攪笑 佢哋出場既theme係用啤牌既King同Queen 大家既注意力都係集中喺Joey度 始終女仔既衫可以有大D變化 我覺得全晚最靚都係呢件! 點擊圖片放大 +3 佢哋一開始係不停咁唱 差唔多唱咗2粒鐘都冇同大家講過嘢 今次係用九大行星既Concept 寓意女仔係水星, 男仔係金星(唔知有冇記錯) 點擊圖片放大 +3 跟住講述男女之間感情又相識開始 中間的起起伏伏, 波波折折 最後仍然可以繼續相愛 (都係嗰D啦其實, 冇咩新意) 點擊圖片放大 +2 最後要帶出的就係要珍惜對方.... 點擊圖片放大 Joey呢條裙都幾WOW! 有D似小鳳姐Style! 只係人哋用大波點, 佢用細波點 條裙仲要係大露背架LOL! 去到中間呢幕, 無端端Joey行入去呢個紙條陣裡面唱歌 之後到佢出嚟然後到克勤入去唱 我估都係寓意大家有度牆開始有隔膜! 跟住呢一幕到佢哋每人一Part Solo Joey換咗呢一身白毛毛出場 我就覺得好怪同唔靚!!!.....囉 點擊圖片放大 +4 之後到克勤自己Solo! 一出場頭頂放咗好多吊燈落嚟 成個View都好華麗好靚!! 當然要唱佢既飲歌「大會堂演奏廳」 之後仲行咗上幾個木箱度自彈自唱!! 點擊圖片放大 +3 Joey終於換番條靚靚裙出嚟順眼番好多! 點擊圖片放大 +6 終於完成咗Part1既九大行星 最後一首唱既係「紙牌屋」 居然克勤唱錯歌詞 點擊圖片放大 +5 佢哋落番台之後 好快又再上番嚟 呢一Part就Casual啦, 一邊唱吓歌一邊傾計吹水! 克勤好攪笑咁話頭先唔記得歌詞 係因為呢幾年都近某個人太多 同埋佢話一個人金曲太多 就總會有一兩首唔記得歌詞 HAHAHA 點擊圖片放大 +2 當Joey喺度多謝番今次演唱會既製作單位 介紹一吓今次個九大行星Concept講番男同女所代表星 克勤話「公星同埋乸星」....好攪笑 Joey GET唔到仲重覆講多一次.... 點擊圖片放大 +5 最後居然佢哋走到我呢邊咁近 捉咗一個坐我前行既女人上台玩 唱「舊歡如夢」 個女人話「好多人拎住電話影我喎...會唔會上蘋果架?」 克勤即刻衝出嚟話「你唔係依家先諗呢個問題呀!」哈哈哈 最後再唱番「刻不容緩」就完咗個Show啦 P.S. 聽講最後一場唱到過哂鐘成十二點幾先完SHOW.....好誇張 Photo by CANON 5D Mark III, Len | EF 70-200mm f/2.8L IS II USM 呀劍評分: 7分 呀劍評語: 好似前一次Eason咁一開就係唱唱唱，一句嘢都唔講，到最後1/3時間就同大家傾計玩同唱，不過冇比我想像中咁好睇，可能始終想聽佢哋自己唱番自己嘅金曲，多過想聽佢哋唱對方嘅歌！ ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
