都係遊走石硤尾附近既食肆睇吓有冇咩嘢好食! 呢間喺我屋企斜對面既日本料理店叫「三上」 等我入去試吓掂唔掂先.... 我哋大概7點幾入去, 都差唔多坐滿人 室內環境同裝修...服務...舒服都係一般 希望D嘢食可以加番分 打開本餐牌圖文並茂都算清楚 點擊圖片放大 +2 一如以往食日本嘢最主要都係因為兩個小朋友都好鍾意食烏冬 所以我哋今晚叫咗碗雜錦烏冬 有叉燒、炸假、溫泉蛋等 呀芊好鍾意好鍾意食! 食得佢幾開心 哥哥又攪攪震, 次次同佢影相佢都喺度扮哂怪樣 我哋幾乎每次食日本嘢都會嗌既一個飯 - 汁燒牛肉飯 所以今次都唔例外, 睇吓呢間三上又整得好唔好食先 佢個SET句咗碗麵豉湯同一碗仔芽菜 牛肉都算炒得香, 唔會太un 不過如果可以加埋蛋就會好好多 然後叫咗呢個香芒火龍卷! 上嘢都算係幾快, 唔駛等太耐 同一般火龍卷差唔多, 不過呢個加咗芒果既火龍卷我覺得唔係太match! 我估係普通超巿芒果囉 如果芒果新鮮D冇咁酸可能會好好多 今日試住咁多先! 下次再嚟食過 Photo by CANON 5D Mark III, Len | EF 35mm f/1.4L IS II USM 呀劍評分: 7分 呀劍評語: 純綷喺石硤尾一帶搵吓有冇好嘢食, 我覺得碗拉麵幾好食(除咗個溫泉蛋), 但係其他都比較一般! 味道OK, 上嘢都算快, 原來佢都好多間分店, 遍佈港九龍界喎! 地址 深水埗大埔道87-91號裕發大樓地下C及D舖 電話 2776 6992 營業時間 不詳 招牌菜 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
