當你認為巿區只有商場商場同商場既時侯 石硤尾都有世外桃園 - 石硤尾公園 由港鐵站步行只需15分鐘就到! 當你沿住南昌街行上斜路就會見到 呢度係公園第三期 - 一個標準足球場 因為芊芊啱啱瞓醒所以先喺呢度同佢去咗廁所先! 之前在嘉頓廠房買咗D牛角酥(推介)俾佢食 再行上去就即刻見到石硤尾公園體育館 然後就會見到扶手電梯上到去在體育館側行上斜路 就會見到網球場 穿過網球場就會聽到水聲.... 就係石硤尾呢個大景點噴水池! 呢度真係一個人都冇, 所以好舒服! 兩個嘢拎住頭先買既波板糖! 邊食邊散步 點擊圖片放大 呢個小瀑布雖然細但係喺呢個城巿中有個綠洲 真係好舒服好有大自然Feel 點擊圖片放大 +2 同佢哋影影吓相芊芊捉住哥哥頭髮喎! 哥哥話「好痛呀!」 但係哥哥好叻! 佢冇發脾氣, 佢好醒目咁拎支波板糖嚟引芊芊 行到另外一邊有個好大既廣場 當然又係一個人都冇 只係得幾個呀姐喺度清潔! 原來公園就係喺城大宿舍後面 原來呢度都有個小小的兒童遊樂場 話細唔細攀架, 瀡滑梯同韆鞦都有! 點擊圖片放大 +2 地方好乾淨! 肯定平時好少人嚟 喺一個咁新淨既遊樂場裡面居然搵到條咁懷舊既鴨仔 點擊圖片放大 小朋友真係好純真! 哥哥拎住波板糖想去餵鴨仔 可能因為呢度地勢都算高 點擊圖片放大 +10 Photo by CANON 5D Mark III, Len | EF 24-70mm f/2.8L IS II USM 呀劍評分: 7分 呀劍評語: 一個好少人去嘅公園，沿住小瀑布散步，聽住雀仔叫聲！兒童遊樂場的設施也不算少，放假一家人買埋嘢食嚟呢度行吓坐吓玩吓都真係幾舒服，有陣時選擇寧靜都唔錯！ 石硤尾公園 簡介 石硤尾公園是深水埗區內一所設施多元化的大型公園，佔地合共8公頃，可同時進行各項戶內及戶外的康體活動，迎合不同年齡市民的需要。 地址 深水埗歌和老街 開放時間 24小時 費用 免費入場 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
