今日係哥哥去小一面試嘅日子 因為李宗德小學就係天暉路體育館隔離 所以哥哥努力面試之後晚上帶佢去裡面嘅兒童遊戲室玩吓 呢個體育館俾我感覺真係好靚！ 住咗元朗咁耐都唔知有呢個地方喺度 反而搬咗出巿區今次有機會番嚟返番嚟先去 入到嚟睇見呢個灰跟黃的配合就已經覺得好靚！ 直行入去轉左就見到其他場館 當然兒童遊戲室都係裡面 入到嚟先知原來要排隊攞籌 因為都唔少人入去玩 每一節時段只可以容納40人(包括小朋友) 佢每一節嘅時間都係X:30-X:20 然後有十分鐘清潔 每個鐘嘅搭八(即X:40)就會派籌 例如你想玩6:30嗰節咁你就要5:40嚟攞籌啦 不過我哋嗰陣去係玩7:30嗰節所以都唔駛攞籌 因為呢段時間之後其實好多人都番屋企食飯lu 不過喺出面等緊清潔嗰陣都有d好攪笑嘅嘢發生 話說有幾個小朋友(小學生)喺度傾計 其中一個好醒目喺度問另外兩個好多IQ題 其實佢所謂嘅IQ題真係一D常識題 佢問「知唔知咩生果係對眼睛好？」 小朋友就答「檸檬、橙、西瓜...」 醒目小朋友就話佢哋都錯，冇一個答啱！ 佢話答案就係藍苺 跟住答錯的小朋友就話「冇理由㗎我見我呀媽成日都搵檸檬青瓜敷眼㗎喎」 我已經笑到肚痛 跟住佢仲問醒目小朋友「藍莓咁細粒點放喺對眼度！！」(當時我已經笑到彎哂腰) 喺門口咁啱有得度高，哥哥都走去度一度先 裡面都好乾淨好光猛 點擊圖片放大 +2 一睇就知呢度係以海洋世界為主題 Hysan一入去即刻就跑上呢個最矚目既設施 呢個半球體可以爬爬爬! 起好玩 其他小朋友好少爬喎唔知點解...係得佢一個不停咁爬 仲有一個IQ題, 咁呢個半球體係海洋裡面既咩呢? 點擊圖片放大 呢度真係好大可以周圍咁跑 跟住又走埋去同頭先班IQ題小朋友玩 識到新朋友仔好開心 點擊圖片放大 +2 另外一邊有架船 Hysan最鍾意走入去匿埋 不停咁叫人哋同佢玩捉...好攰囉 口合口合口合鏡都有! 點擊圖片放大 +11 Photo by CANON 5D Mark III, Len | EF 24-70mm f/2.8L IS II USM 呀劍評分: 8分 呀劍評語: 咁多個體育館室內兒童遊戲室, 天暉路體育館這個都算頗新同乾淨, 真係好適合一家大細嚟歇歇腳, 不過正因為好就有好多人嚟玩, 所以大家一定要早少少嚟排隊拎咗飛先 天暉路體育館 兒童遊戲室 簡介 於2012年11月27日啟用。面積315平方米的兒童遊戲室, 設有完善的空調系統及多元化的康樂設施。 地址 天水圍天瑞路63號 開放時間 8:30am-9:20pm 費用 免費入場 交通 1. 輕鐵705,706,751,761P 於天富站 下車 步行1-2分鐘 即達 2. 西鐵 天水圍站 E3-出口 轉乘 輕鐵706 往天富站下車 3. 於 天富苑 對面、天恩邨 內、李宗德小學對出 電話 2473 0229 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
