今晚又撇開兩隻馬騮我哋兩公婆去睇演唱會 睇我好鍾意嘅周仔周國賢 佢已經有兩年半冇喺個舞台表演啦！.....你終於番嚟啦 我7:00一放工就去九龍灣同老婆會合 我拎住2張Subway嘅coupon喺地鐵站度買咗兩個餐 每張$50 coupon都只係分別加$3.6就可以有個飽有汽水同埋薯片 2個加埋總共承惠$7.2 我哋邊行邊食上到去搭九展專車 我起初仲以為會好多人點知去到車站一個人影都冇 我哋拎住兩張飛入場 入場之前要將飛尾搣出嚟去投票 投你最想周國賢最尾唱嘅一首歌 我就揀咗呢首啦 今晚不設坐位全部都係企位 仲要企成兩粒半鐘 個Show未開始已經咁多人(因為係先到先企得近) 今次係Soliton主辦 真係有錢想買都未必買到飛 準備開始好賢張呀！ 因為唔係紅館 所以唔會有好型好有排場嘅出場 周仔都只係同其他隊員慢慢咁喺後台行上嚟 佢手拎住支木吉他坐喺度 睇得出佢太耐冇上台所以好緊張同好興奮 打頭陣第一首佢就唱「年輕人們」 到第二首佢已經忍唔住喊出嚟 我仲以為真係咁作狀，但係原來係真眼淚嚟架！ 點擊圖片放大 之後繼續唱咗好多首正歌 「陽光燦爛的日子」「Go with the flow」 「漢城沉沒了」「地下街」 「有時」「目黑」「理智與感情」 「覺醒字幕組」「初戀殘酷物語」「極樂」 點擊圖片放大 +2 「我是個地球人」「十四天」「離魂記」 點擊圖片放大 +2 唯一唔識嘅係兩首新歌，一首國語歌「過度活躍」 另一首係呢首「失散時光」介紹呢首歌嗰陣仲喊哂 當然有唱另一首新歌「我們都不是無辜的」 全場就只係兩套衫 最後Encore出嚟唱番最多人投票嗰首歌 同我投嘅一樣「時空」 跟住唱多兩首「不敵」「黃金入球」就完咗個Show啦 最唔開心係點解冇唱「最終幕」「人在做」「食懵你」「物極必反」「告一段落」「雪國」「重逢」「星塵」「This is not the end」同埋「絕望的謊容」 點擊圖片放大 +10 佢呢晚仲企喺個台度影咗張咁嘅相 其中兩個光係我同老婆呀！Yeah Photo by CANON 5D Mark III, Len | EF 24-70mm f/2.8L IS II USM 呀劍評分: 8分 呀劍評語: 好真好感性嘅一個演唱會，不造作不花巧嘅一次演唱會，雖然唔係紅館，但係睇到好真實嘅一個歌手，周國賢！多謝你給我倆一個美好的晚上，唯一美中不足真係有好多我鍾意嘅歌冇唱囉 ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
