今日哥哥要同媽咪喺屋企溫習功課 又係時侯俾我同芊芊拍拖嘅時侯 我就同芊芊喺石硤尾附近周圍行 睇吓有d咩睇有d咩玩，行行吓我哋嚟咗「美荷樓」 我哋沿住巴域街行行吓就嚟咗呢度 其實前一排都一陣想嚟呢度 只不過實在太遠所以冇機會嚟 依家搬咗嚟呢頭就啱哂 第一吓入到嚟個感覺都幾近JCCAC 呢度係一個青年旅舍 平均一間雙人房一晚都唔駛$680-$780 如果床位就仲平，只係$200 我唔係嚟租房所以我就冇入去打攪啦 我就去咗右手邊嘅呢個生活館 呢度記錄咗石硤尾邨嘅歷史 對於咁細個嘅芊梗係唔會明啦 一入嚟門口就見到呢個立體背景 一班街童坐係街邊 正正顯出當年的景像 所有小朋友只要有粒波子都可以玩一日 轉過咗右邊就見到一條巷 左右兩邊都陳列出唔同嘅歷史物品同資料 點擊圖片放大 一蚊紙呀！ 連我呢塊老餅都未見過 點擊圖片放大 +2 其實呢度都算係半個歷史博物館 呢度有好多好懷舊嘅嘢！好鍾意呀 點擊圖片放大 +3 唔知芊芊係咪真係以為有個氹氹轉喺度 所以遞起隻腳想爬上去玩！哈！哈！哈！ 點擊圖片放大 +2 香港以前真係有水喉管放喺公園度俾小朋友坐同玩架 唔好以為剩係「多啦A夢」先有呀！ 喺個水喉管裡面播放住影片！ 呢度既展板有好幾個㝫 放隻眼埋去會睇到d咩呢？ 原來裡面播放住Slideshow 睇到以前石硤尾一張一張舊時嘅照片 點擊圖片放大 +7 之後有個門口出去 但係未完架喎原來仲有得上條樓梯去一樓 如果推住BB車嘅你可以搵職員幫手 點擊圖片放大 +2 嘩上到呢層真係好多細個嘅回憶都出哂嚟！ 點擊圖片放大 呢個由石硤尾邨地下望上去天既視覺好正 好似跌咗落去咁！ 點擊圖片放大 +5 睇完一個又一個既舊式屋邨單位 跟住就有出口行番落樓梯去地下 點知又有一個門，我以為真係咁大 原來落番嚟只係一條路好快咁介紹番近代嘅轉變 然後就出番去lu 出番去之後靠右一直行就會嚟到Full Cup呼吸冰室 係menu隔離有幅好大好靚既壁畫 不過呢個睇餐牌既地方真係好細 多少少人同時嚟買嘢食都唔夠企 入到裡面既環境都係好懷舊嘅感覺 然後唔多人真係好好坐好舒服！ 點擊圖片放大 +3 我哋揀咗最入面嘅一張枱坐 咁啱牆上面有個大燈箱寫住「41美荷樓呼吸冰室」 點擊圖片放大 我同妹妹因為今朝剛同媽咪哥哥飲完茶 所以都未落格，就嗌咗個香蕉船$56 芊芊本來有少少眼瞓，但聽到有雪榚食就情願辛苦咁等多陣 終於有啦！我同芊芊一齊去拎個香蕉船 番到嚟梗係相機食先啦 佢仲好叻叻咁俾我影張靚靚相 如果係呀哥我未影相佢隻手已經拎嚟食喇>.< 當然食到好污糟啦！ 個香蕉船不錯，好好食！ 芊芊好鍾意把遮，我哋食完之後都拎走咗把遮俾佢揸住 呢度外面都設有戶外區 唔鍾意嘆冷氣嘅朋友可以坐喺出邊吹吹風 喺呼吸冰室對面有一個士多 mini Store 我同芊芊行入去打個圈望一望 都係好多(新嘅)懷舊嘢賣啦 點擊圖片放大 +5 呢個芊芊一路拎住把遮唔肯放手 好開心！ 後補多幾張相先(因為過多3日我哋同埋媽咪哥哥一齊去多次) 我叫咗個西式早餐，你估幾錢？只係承惠$29 呢個港式早餐都係差唔多價錢 芊芊不停話好Yummy仲叫「午餐肉」做「早餐肉」 佢又真係冇錯喎，我哋依家真係食緊早餐，咁有冇「晚餐肉」？哈哈 點擊圖片放大 仲叫咗一件占醬多！個樣好靚，食落都唔差架！承惠$22 食食吓真係覺得唔係好夠 又啱啱過咗十一點，所以就去叫多個咖喱吉列豬飯 佢聲稱話個咖喱係秘製，咁挑戰我我就梗係要試吓啦 不過個飯就貴咗少少啦，成$62！ 佢嘅吉列豬扒好唔吉列，因為佢只係Yam好少麵包糠 我本人鍾意原始個款多d，雖然咬落去好脆但係又令到肉有d乾 所以真係唔係咁易整，值得一讚係個咖喱汁，有少少似日式 食落口帶點甜甜地，然後當你㖔咗之後，咖喱嘅辣會留喺你口腔 芊芊「好味！！！！！！！！！！！！！！」 Photo by CANON 5D Mark III, Len | EF 35mm f/1.4L USM (節錄於兩次行程) 呀劍評分: 7分 呀劍評語: 呢個地方幾舒服又少人，得閒無事過嚟睇吓生活館，嘆番個下午茶！都OK架 美荷樓青年旅舍 簡介 是貫通新舊的代表，從一座建於1954年的早期徙置大廈，活化及改建成129個房間的青年旅舍。這裡匯聚先進設施與香港獨特文化及傳統，為旅客帶來無可比擬的住宿體驗。 地址 九龍深水埗石硤尾邨41座 美荷樓生活館開放時間 星期二至星期日 上午9時30分至下午5時正 逢星期一（公眾假期除外）及 農曆年初一至初三休息 平安夜及農曆新年除夕下午3時閉館 交通 港鐵深水埗站B2出口 電話 3728 3500 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
