本來冇諗過要嚟同Toy Story影相 因為攞咗籌排隊等食Dinner 所以嚟探一探巴斯胡迪... 上一站>>CLICK HERE! 【親子餐廳】屯門 V City 峰壽司 Mi-Ne Sushi 壽司直送子彈火車 今晚我哋一家去咗V City既峰壽司 去拜會吓佢哋既壽司直送小火車 但係6:30去到門口攞籌, 點知..... 見到門口號碼叫到229號 但係我手上攞到的籌係291號!!!!! 仲有差唔多70張枱先到我哋? 於是我哋諗諗中間時間點樣打發 我就諗起tmtplaza有個Toy Story Show 跟住沿住天橋行10分鐘去到tmt 點知去到現場又見到...排長龍 好似上次Melody一樣 要排隊入場 不過唔係太耐 只係等咗5分鐘就入到場 佢每次大約放10組人入場 喺龍頭度影番張相先 今次POPS既質素都好高 所有裝置都整得好靚 最緊要係角色同原版相似 如果唔係就好似山寨版咁! 最吸引同特別既 相信係由商場頂吊落嚟既降傘士兵 點擊圖片放大 +3 場裡面每個影相景點都要排隊 不過唔算太多人 可能當時係晚飯時間 其實一入場之後就已經遇見第一條人龍 原來就係呢個最大既舞台影相景點 我哋離遠少少影相就算罷! 我覺得冇需要排10幾20分鐘去影張相吧! 其實每個時段會有真人胡迪巴斯等角色上台表演 同大家影相 不過我哋冇預先計劃 所以撞唔到佢哋! (其實仲有好多其他唔同活動及工作坊) (可以上官網睇番詳細資料) 點擊圖片放大 +3 喺隔離就有一個展出各樣反斗奇兵精品既展區 Hysan好鍾意牆上既剪影 喺度估番剪影既角色 點擊圖片放大 +4 之後再行就遇見三眼仔! 這個景點都有10幾20人排緊隊 所以我哋同樣離遠少少影 其實喺側邊都有幾隻三眼仔 呢度唔駛排隊 只要行埋去就影得! 哈 最後這個主角場景有巴斯胡迪同埋翠絲 不過見條隊唔係太多人我哋就排一陣 唔駛5分鐘就到我哋啦 仲拜託咗排我哋前面的哥哥幫哋影張全家幅 點擊圖片放大 呢度有個區域播放住Toy Story第一集! 不過想睇既朋友只可以企喺度 或者就咁坐喺地下度睇 我覺得個電視可以大少少囉! 呢個精品售賣區梗係影張相就走人啦! 跟住就番去峰壽司睇吓嗌到291號未喇...... (因為過咗5個號碼要重新攞籌 >.<) Photo by CANON 5D Mark III, Len | EF 24-70mm f/2.8L II USM 呀劍評分: 7分 呀劍評語: 我哋好少去同商場Show影相, 這個Toy Story所有角色裝置都做得好靚, 有人流安排都係一件好事, 唔會好多人爭住影相, 每個景點都係10至20人排隊! 唔逼, 好行! 反斗奇兵20週年玩具派對 簡介 今個暑假，屯門市廣場與迪士尼擕手舉辦「反斗奇兵20週年玩具派對」，於一眾動畫主角的帶領下，商場化身為電影場景，並設有「反斗奇兵展覽館」、「反斗奇兵互動天地」及「反斗奇兵期間限定精品店」等精彩活動及佈置，與大家歡度暑假！ 地址 新界屯門巿廣場1樓中央廣場 時間 2015年7月20日至8月31日 上午10時至晚上10時 交通 輕鐵巿中心站 網頁 http://www.tmtp.com.hk/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
