今日同哥哥上完畫班之後 我哋今日揀咗個又容易去又短線既節目 就係歷奇公園喇!!! 同哥哥上完畫班後都差唔多3點幾 我哋約埋媽咪同芊芊喺元朗廣場等 然後一齊搭輕鐵615喺龍門站落車 歷奇公園定期每個月有一天星期日都會有免費攀牆體驗 (記住要打電話去問一問先) (因為每個月都唔同日期及時間) 今日只開放下午3至6點 如果平日嚟的話要收費 同埋一定要帶埋有牌教練先可以玩 落咗車之後過馬路去對面就已經會見到入口了 沿路一直向上行 已經從遠處見到攀石牆 而且周圍仲有其他唔同既康樂設施 點擊圖片放大 +2 首先要在攀石牆外的涼亭向工作人員取票 然後入去排隊玩 現場唔算多人 但係因為要著安全帶 所以都要排一段時間先有得玩 現場有兩個專業教練喺度 一個幫大家著上安全帶 另一個負責Hold住參加者拉住佢哋 入到嚟已經見到其他小朋友玩緊 見到佢哋爬到好高 心裡諗唔知Hysan可以爬到幾高呢? 我上網見到應該有個鐘喺最上面 俾參加者爬到最高可以搖個鐘 以示成功!! 但係今日個鐘唔見咗!!! 媽咪幫手一路排住隊 我就同芊芊哥哥去附近的康樂設施玩 本來呢度出名仲有個繩網陣 但係因為職員話維修緊 所以今次嚟冇得玩有D失望 點擊圖片放大 +9 由山頂望番落去見到輕鐵龍門站 點擊圖片放大 +7 同佢哋玩之後見到仲未輪到我哋 跟住就帶Hysan落去山腳 聽講話今日仲有攤位遊戲玩 落到嚟呢度見到有個小小的嘉年華 有4個小遊戲 基本上你肯玩職員都會俾你印仔 玩齊4個遊戲就可以去換禮物 點擊圖片放大 +3 原來喺呢邊有個歷奇公園既大招牌喺度!! 收到媽咪個電話 終於輪到Hysan 我哋上番去準備先 教練幫Hysan戴上安全帶 Hysan有少少緊張 但係佢由頭到尾都冇話唔敢玩 佢已經大膽咗好多! Hysan一次又一次既經歷 佢以前每次未玩就話驚 但係佢發現每次原來都可以克服到 而且都發覺好好玩 所以依家再遇到任何活動 佢都冇再話驚喇! 呢位朋友咁大個都係爬到嚟呢度 我諗Hysan都可以爬到卦! 佢每次谷住啖氣喺個口 就證明佢好緊張! 哈哈 終於到哥哥出場喇 另一個教練幫佢扣起安全繩 GOGOGOGOGO! 點擊圖片放大 +3 爬咗咁耐都只係離地半米都冇... 點擊圖片放大 +2 最後爬到去大約兩米 即一度門咁高就甩手跌番落嚟 (佢仲係谷住啖氣個口) 妹妹係另一邊又試吓玩先 芊芊都爬到幾高喎 但係就嚟高過媽咪抱唔到佢啦.... 太高啦要落番嚟啦...好危險噢! 點擊圖片放大 最後我哋臨走前 俾佢哋兩個小朋友喺度玩多陣 芊芊第一次玩仲話好驚要我扶住 依家玩唔駛人扶 所以大大聲叫媽咪「你睇吓芊芊」 點擊圖片放大 +3 跟住哥哥又走埋嚟玩!! 希望你哋兩個將來更放膽去歷奇啦! (好老土的Ending.....) 最後差唔多6:00就離開去搵嘢食lu! 下一站>>CLICK HERE! 【親子餐廳】屯門 V City 峰壽司 Mi-Ne Sushi 壽司直送子彈火車 Photo by CANON 5D Mark III, Len | EF 24-70mm f/2.8L II USM 呀劍評分: 8分 呀劍評語: 一個唔係太出名既公園, 但係裡面有足夠的設施及Canteen可以讓一家人玩一個下午, 大家記住去之前打電話去問一問該月份那個星期日有免費活動, 其實附近還有射箭場, 哥爾夫球, 賽馬會騎術學校...每個星期日去一個地方都可玩足成個月! 歷奇公園 簡介 歷奇公園內的設施包括一道闊六米、高九米及建有懸垂面的攀登牆，上下兩層共十五關及離地達七米的繩網陣(現在暫時關閉)，和其他的兒童遊樂場設施。 地址 新界屯門龍門路屯門康樂體育中心 開放時間 每日上午八時至下午六時。（註：兒童遊樂場及其他休憩設施於上午七時至下午六時開放） 費用 攀登牆和繩網陣的收費均為$218/1.5小時，全日制學生及60 歲或以上的長者在指定時間亦可享用優惠收費$109/1.5小時，可以以團名或個人租用場地。怕租場麻煩的話，亦能參加中心每月舉辦的歷奇活動。至於其他的兒童遊樂場設施則費用全免。收費詳情可瀏覽康文署網站。 交通 輕鐵龍門站 電話 2466 2600 網頁 http://www.lcsd.gov.hk/tc/tmrsc/advent.html# (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
