今日星期六Hysan有搖鈴表演 朝早帶咗佢去睇完中華白海豚 下晝嚟咗Mega Box同其他同學仔一齊玩搖鈴! 我哋用咗差唔多1個鐘頭就由東涌MTR到九龍灣 我見時間尚早所以去咗排Shuttle Bus 點知....等咗半個鐘不突止 上咗車之後諗住好快到 點知架車經過Mega Box之後繼續前進(以前係直達) 去到差唔多牛頭角 入去啟德郵輪碼頭個條路口先U Turn 足足用多咗半個鐘先可以落車 好在都仲係4點準時去到 因為老師們仲喺度準備 Set 場 所以同小朋友一齊坐一齊玩 Hysan個搖鈴表演係差唔多最尾先出場 所以坐喺度欣賞吓其他小朋友表演 真係咩樂器都有! 原來老師都有落場 佢好利害咩都識...玩陶笛 Hysan 睇到一個表演既樂器同佢既好相似 不過呢個唔係「搖」的, 係用「按」的 點擊圖片放大 之後又到老師出場啦 佢吹 Titanic 喎! 勁 後面既小朋友只係臨記喺度扮浪花! 好啦好啦, 就到佢出場啦 帶住頂金色閃閃既帽! 見到佢哋幾個喺度等, 好得意! 表演緊都要望我..... 專心D啦 表演得好好! 每個音都記得 (當然老師係佢面前提示佢....好難唔記得) 芊芊覺得好悶 一路嚷著要離開 睇埋哥哥表演先至走啦 每個小朋友表演完都有一張證書派發 證明佢有表演過...(滴汗) 最後嚟番張大合照 場面超級混亂! 點擊圖片放大 +2 表演完畢, 既然一場嚟到 我哋就上去 Mega Box L5 睇吓佢個 Frozen 展覽先! 一眼睇哂就係得咁多嘢! 點擊圖片放大 最特別已經係呢個 Snowman Mountain! 雖然佢仲有個3D館 但係成$160蚊入場 Sorry...我唔會嘥呢 D 錢 Let it GO!!! 呀劍評分: 5分 呀劍評語: 山長水遠入嚟睇佢個3分鐘既表演...好值得囉! ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
