今朝一早起身向中環元創坊出發， 約咗Hello Kitty一齊玩遊戲！哈哈哈 今日星期六一於俾媽咪喺屋企休息一下 我自己單人匹馬帶住兩隻馬騮由元朗去中環 因為呀妹驚驚坐車，所以本來打算搭968，就改為轉搭鐵路 在樓下上K68已經發生第一段小插曲 由於我要搬架BB車上巴士， 我叫呀哥要照顧妹妹， 拖實妹妹上巴士， 點知妹妹企係巴士入口前大喊， 哥哥唔知點算自己上車， 剩低呀芊企係街度(嘩！如果巴士開咗車點算啦大佬) 攪完一輪上咗車，好快到西鐵站，就開始我哋既長途旅程啦！ 搭西鐵去到南昌轉東涌線到香港行去中環轉港島線到上環落車... 用咗差唔多1個鐘頭然後打的上山直接去到PMQ 全程用咗 1.5 hr 點擊圖片放大 +16 因為仲早，所以好少人 好多舖都未開 我哋影咗幾張相就搭Lift上到三樓 行去搭Lift期間見到有好多支咁既風扇喺度 藝術果然係藝術, 連把風扇都型過人 呢度前身其實係警察宿舍 呢度改建後都保留番好多舊有特色, 好似呢個信箱咁, 佢哋用塊膠板擋住 盡量保留番原有面貌 點擊圖片放大 +7 H303 就係今日我哋要玩嘅地方啦 - Dust Production 佢哋拎咗 Sanrio Hello Kitty 既 License, 加上佢哋既 3D 打印枝術， 就成為了全球首間 3D Hello Kitty 概念店 點擊圖片放大 +4 呢度除咗 Hello Kitty 之外, 仲擺放咗好多其他用 3D 打印出來的飾物 點擊圖片放大 +4 呢度有5部 3D 打印機, 分別可 Print 不同 Size 既 Object 點擊圖片放大 +11 慢熱的芊芊要姐姐搵D嘢嚟氹氹先! 芊芊帶住 3D Printing 的 Hello Kitty 黑色戒指 跟住試帶一隻紫色先! 嘩, 呢隻咁大隻點 Print 出嚟架呢? 芊芊呢個姿勢加眼色, 好有型!! 因為哥哥仲細，所以我哋今日參加嘅係一個叫 "Rainbow Panda" 嘅 3D Printing Creative Workshop 導師好型仔叫 Macro哥哥 主要既流程首先 Macro哥哥會陪 Hysan 畫畫， 畫佢心目中最喜歡嘅熊貓， Macro哥哥全程都好有心機引導 Hysan畫 點擊圖片放大 +2 當 Hysan 好專心咁同 Marco 哥哥一齊畫緊畫既時侯, 芊芊喺呢個時侯做住 Promoter 先, 在店內周圍逛逛, 拎起 Hello Kitty 產品影相先 到咗呢個時侯芊芊已經完全進入狀態, 一D都唔怕醜 lu... 仲喺人哋店內周圍碌! 點擊圖片放大 最後畫咗隻好有創意嘅熊貓(Heaheahea...) 然後到流程第二個步驟就係將畫出嚟嘅 Hand Draw Panda 去3D Modeling Macro哥哥拎出一部 iPad 同 Hysan 一齊去做 3D Modeling 點擊圖片放大 起初我聽到都好好奇， 我哋都好大個先去接觸3D， 佢咁細個點會識得用呀！ 原來用 iPad 一個 APP - "123d sculpt" 就咁用手指都可以做到 Modeling! 原理好似你陶泥或搓泥膠咁， 配合埋 APP 裡面一D簡單指令， 就可以做到！(當然唔會咁理想 Modeling 同 Hand Draw 隻 Character 一模一樣啦！) 那邊廂姐姐又送咗條 Hello Kitty 頸鏈俾芊芊 唔夠一分鐘個鏈咀又俾芊芊 Fing 跌咗 點擊圖片放大 Hysan 整到去熊貓個頭喇 開始幫熊貓畫上眼耳口鼻! 之後到第三個步驟啦！ Macro 哥哥幫 Hysan 將 Model Send 去 3D Printer 度 準備要將佢創造的熊貓仔造出嚟啦! Hysan 好興奮同好期待自己的 Character 變成實物 Modeling 嘅時間都比較長， 所以 Macro哥哥都俾 Hysan有足夠時間休息 點擊圖片放大 +2 只需20分鐘，這隻 mini 版 Rainbow Panda 就出世啦 雖然佢只有4cm高唔到， 但係 Hysan 拎住自己創作的 Figure 真係超開心！ (佢之後搭巴士離開瞓著都拎住) (番到屋企急住要 show 俾媽咪同工人姐姐睇) Macro哥哥 話過多一個星期會寄番隻巨大版俾我哋 (因為巨大版 Printing 時間長D) 仲可以幫佢上色！ 最後Macro哥哥送咗個寫住個「芊」字既 Hello Kitty 3D Printing 髮夾俾佢 Macro 哥哥仲將自己造的黑熊貓送咗俾我! 好靚好得意呀! 最後我哋行番落山，上巴士番屋企lu... 兩個小朋友一上車就瞓哂， 總算滿載而歸！ Photo by CANON 5D Mark III, Len | EF 35mm f/1.4L USM 呀劍評分: 9分 呀劍評語: 對於大人嚟講3D Printing都已經好新鮮，更何況小朋友！可以將佢哋自己畫嘅公仔，造出一件實物公仔，仲可以同佢上色，真係好吸引！ PMQ 元創坊 簡介 PMQ 元創方的兩幢主樓 Hollywood 和 Staunton，分別以其相鄰的街道，即荷李活道及士丹頓街之英文名命名。兩幢主樓於 4 樓互通，方便穿梭往來。場內通道均屬無障礙設計，照顧各方需要。 開放時間 7am - 11pm 地址 中環鴨巴甸街35號 交通 不同路徑前往 PMQ 元創方 — 從中環至半山行人扶手電梯或上環地鐵站出發，步行只需 5-10 分鐘！ 新巴26 港鐵 上環站 / 中環站 DUST PRODUCTION 簡介 Dust Production 成立於2012年，由 創辦人 Marco King CHAN一手包辦設計。作為一個香港本地工業設計師，早年畢業於澳洲以及巴黎，主修工業及流動設計學。在澳留學期間，Marco經已在其模型塑造之中使用3D Printing（三維打印）技術，並屢獲獎項及獲邀於澳洲各大小展覽中參展。 Marco醉心於3D Printing（三維打印）設計，同時揉合其3D Printing（三維打印）設計造詣與嶄新科技，創作出一系列飾物、電子產品以及家居擺設。其作品獨特且超越傳統設計框架，讓大家投向「科技與藝術」的懷抱中! 開放時間 Mon - Sun 1pm - 8pm *we can handle the workshop by every morning lets say 10-12pm (2 hours course) 課程費用 From age 6-12 years old $490 From age 12-18 years old $590 *Special rate to your company, need discuss! ** Students need to bring ipad, download a software for the 3D modelling process *** Since this is a very special rate so that we are going to print a mini-figure to each student in the course only, which they can take away after workshop immediately 網頁 www.dustproduction.com https://www.facebook.com/DustProduction (以上資料更新至文章當日)
