今日我哋去咗一所騎術學校參觀! 我生平未入過馬場, 人生第一次見到咁多馬喺我面前! 最近煩緊搬唔搬屋企既問題, 所以好多事要同老婆商量, 難得一個星期日早上要出去處理些事, 未能同兩個小朋友去吓街, 早上只能叫婆婆幫手照顧佢哋 可能天氣太熱, 午飯過後佢哋兩個都好攰瞓咗個晏覺 佢哋瞓醒之後都3:00, 仲可以去邊?! 突然諗起上一次屯門遊, 在輕鐵上見過有一個地方好多馬, 於是上網搵一搵, 原來係一所騎術學校, 又知道隔離有個中山公園 所以短途遊一遊! 我哋搭輕鐵直接去到蝴蝶站, 唔駛半個鐘! 落車後沿天橋上去就會見到紅樓個指示牌 Photo by iPhone 5S Photo by iPhone 5S Photo by iPhone 5S 見到紅樓個牌之後就沿住橋落去地面, 一落到地下就見到周圍都係荔枝樹! 真係幾大粒喎, 好想上去摘D嚟食! 不遠就會見到一個紅樓休憩處, 真係得一個亭, 乜都冇架 而且多蚊到不得了, 其實政府可唔可以唔好再亂駛錢, 起咗個小公園仔又乜都冇, 搵鬼嚟呀? 我叫Hysan俾我影張相, 佢都好合作即刻走走鏡同飛快咁離開 影既時侯都要R腳, 小朋友既肉真係好食D 踩住Scooter超快九秒九飛快離開紅樓公園仔 其實另一邊仲有個大草地, 可以俾小朋友玩, 但係實在多蚊得好緊要, 可能冬天嚟會好D 當我以為頭先個亭就係叫做紅樓, 原來唔係.... 再行多幾步就會見到中山公園個大牌! 原來中山公園就係叫紅樓! 滴汗....一直以為係兩個唔同既地方 點解呀芊你要帶埋你屋企件衫出嚟?!!? 同樣係有好多蚊, 所以只有我同Hysan兩個男人入去 我一路叫佢踩快D, 避開D蚊! 好不幸佢已經俾蚊咬咗兩三吓, 唯有快D入去到此一遊啦 轉個彎見到有個小門(唔識講佢叫咩? 框? 樑?) 轉左呀! 終於到啦, 原來只係一個插咗好多支台灣旗既地方 仲有一個孫中山既紀念像, 當然我冇咩時間停留喺度 同Hysan講解孫中山既歷史, 所以我哋影咗幾張相就好快走咗 點擊圖片放大 +3 行番出去中途會見到隔離的射箭場, 我見到有小朋友喺裡面玩, 等我下次都同佢哋嚟呢度玩吓射箭先 一路再向前行就見到騎術學校啦 先過去對面馬路, 見到藍色既牌! 轉右行上去斜路 呢個大門口又做得幾靚喎! 行近少少, 保安員問我哋係咪嚟參觀, 佢玩BB車同Scooter唔可以帶入去 原來唔俾推架BB車入去係因為佢哋真係要保護D馬 驚其他物件會嚇親D馬, 因為嚟呢度騎馬既人都唔一定係專業 大家都係嚟呢度學習騎馬, 入到嚟左手邊係辦公室, 右邊係幾個大中小的沙圈練習場! 呢度有個小馬策騎輪侯處, 我諗呢度可以俾小朋友玩 點擊圖片放大 嚟到大練習場同馬房了! 好多好多馬, 我都未試過可以見到咁多馬! 呢度既職員/ 教練都好好, 見我哋行得太近個沙地, 都叫我哋小心D, 都好惡咁對我哋 因為其實我哋行得太近都會有危險, 始終係參觀, 唔可以阻住人哋練習騎馬 點擊圖片放大 +3 Photo by iPhone 5S Photo by iPhone 5S 去到馬房旁邊, 有好多隻馬都伸咗個頭出嚟, 唔同佢八卦我哋係邊個 我哋係嚟參觀, 所以唔可以入去馬房, 除非係團體預約, 可以有專業人員帶住我哋周圍參觀 Photo by iPhone 5S 唔入得馬房, 企係門口同隻白馬影張相扮白馬王子先 點擊圖片放大 一匹一匹既馬都係馬房行出嚟, 準備俾人騎上去入沙地跑圈! D馬蹄鐵真係咯咯聲架....好似D英倫西片, 馬車係街道上行 點擊圖片放大 芊芊好奇望望每一匹馬! 俾佢發現咗我偷影佢tim 點擊圖片放大 +17 跟住我哋去到辦公室嗰邊去吓洗手間, 在汽水機買些飲品, 坐下來休息! 今日天氣剛好多雲, 所以有點風都好舒服! 點擊圖片放大 哈哈, 估唔到頭先有隻綠色, 原來呢度收埋咗隻紅色!! Photo by CANON 5D Mark III, Len | EF 24-70mm f/2.8L II USM 呀劍評分: 7分 呀劍評語: 如果小朋友可以騎埋馬我就打8分了(因為要6歲以上才可以騎馬), 對於有車或住新界朋友, 騎術學校真係一個不錯既親子好去處, 紅樓同中山公園都係順便去埋架啫, 另外兩個騎術學校未去過, 唔知係點, 屯門呢個真係大, 同埋好多馬, 環境好舒服! 如果閒時假日下晝入嚟, 夜晚過埋三聖食海鮮都係個不錯選擇! 其實佢每年都有開放日, 大家要留意公佈詳情! (2015過去的5月10日剛剛舉行了開放日, 當然開放日又會比較多人了---> 減分) 香港賽馬會屯門公眾騎術學校 簡介 香港賽馬會轄下共有三所公眾騎術學校，分別位於新界屯門及港島薄扶林和鯉魚門公園，為年齡 6 – 60的人士提供多項課程和活動，讓他們有機會學習騎馬、馬匹料理及馬術運動。 地址 新界屯門龍門路地段四十五號 開放時間 星期二至五: 上午8:00至中午12:00 下午2:00至晚上9:00 星期六至日: 上午8:00至中午12:00 下午2:00至晚上7:00 逢星期一休息 辦公/查詢時間 星期二至日: 上午9:00至中午12:00 下午2:00至晚上7:00 逢星期一休息 免費入場(其他設施及課程另收費) 交通 輕鐵610, 615, 615P, 美樂站(如要先去紅樓中山公園可於蝴蝶站下車) 步行5分鐘 其他交通工具請參閱網頁 網址 http://campaign.hkjc.com/ch/equestrian/tm-intro.aspx 電話 2461 3338 電郵 riding.tm@hkjc.org.hk (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
