今日嚟到紅磚屋, 因為早上去完嘉道理農場, 所以順便過嚟食少少嘢坐吓! 今日得我同芊芊一齊去街, 但係芊芊仲瞓緊覺, 咁我就自己入去行住先 上一站>>CLICK HERE! 【親子好去處】大埔 嘉道理農場暨植物園 Kadoorie Farm & Botanic Garden 特別介紹: 喺紅磚屋隔離有間私房菜叫「蔡菜館」 我未食過, 大家可以夜晚去試吓, 要預先訂枱, 預每個大人$200-$300 在紅磚屋入口前有間餐廳, 店內不多人, 相信都係等緊做晚巿 紅磚屋門口個招牌都俾植物遮住哂, 裡面冇冷氣, 不過都唔算話好焗! 正在門口擺檔賣自家種既蔬菜! 在紅磚屋旁邊的一家高級餐廳, 叫10 Red Brick House 紅磚屋十號 完全見唔到裡面, 需要預約, 每人大約$300起 跟住推住仲瞓緊覺既芊芊入去行個圈 如果買衫唔想撞既話, 我諗呢度都係個唔錯既選擇! 有咁多7仔玩具!! 我估點都平過信和卦... 不過唔係賣緊最新個D, 都係主力做遊客生意 仲有賣好多唔同既特色服裝 木器籐器不在話下, 其實行行吓都幾似一家尋寶店, 真係咩都有 如果你想幫自己屋企佈置一下, 嚟呢度最適合不過 行到最尾見到有嘢食啦, 不過都冇咩出名嘢食, 都係腸粉魚蛋燒賣咁, 有D失望囉! 如果屋企有花園的朋友，喺呢度都可以揀番d擺設襯吓花園架！ 呢間專賣爉燭既舖頭都算係裝修得最靚嗰間，不過撞啱今日佢冇開舖！ 嘩呢度有個假井，可能以前係真既都未定，依家同樣係可以攞水既地方！ 呢度d位又坐得又賣得架喎！ 下一站>>CLICK HERE! 【飲飲食食】錦上路 手信屋 Photo by CANON 5D Mark III, Len | EF 24-70mm f/2.8L II USM 呀劍評分: 6分 呀劍評語: 如果冇咩做又去開錦上路嗰頭, 喺紅磚屋食個下午茶或晏晝都OK架 錦上路 紅磚屋 簡介 紅磚屋前身是一間蠟燭廠，整個跳蚤市場就是紅磚砌成，都幾有特色。裏面很有異國風情，有很多不同風格的店鋪，也有茶座，感覺很優閒。 地址 元朗錦田祠堂村地段 398 至 400 號 開放時間 星期六、日及公眾假期， 10:00am – 20:00pm 農曆初一初二 - 休市 初三啟市連開5日至初七 交通 西鐵錦上路站B及C出口步行8分鐘 網址 http://www.yl.hk/rbh/map.htm (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
