今日我哋既行程係屯門龍鼓灘 > 中華白海豚觀景台 > 環保園 Eco Park， 身邊好少朋友去過這個地方, 在網上看到這個地方又近, 所以到這裡走一趟 上一站>>CLICK HERE! 【親子好去處】屯門 龍鼓灘 Lung Kwu Tan 中華白海豚觀景台 我哋啱啱喺龍鼓灘巴士總站出發, 只要搭5-6個站就會到! 記住唔好喺環保園個站落車, 女喺紹榮鋼鐵站落, 行過對面馬路就到 我哋行到入去門口, 見到周圍都好乾淨, 雖然係回收站, 但係卻一D都唔污糟 呢度完全免費, 只要上網預約參觀(最少為15人) 若人數少於15人, 可以打電話去預約 今日咁啱冇咩人預約, 呢段時間得我哋嚟參觀咋! Yeah 連門口外面的更亭都好綠化 點擊圖片放大 入到去展覽室，每人都會獲發一張智能卡， 你只要在每個展品前拍卡，便會有介紹廣播， 智能卡仲會記錄我哋玩過的電子產品的「戰績」。 呢個係一個超巿模擬屏幕, 教大家環保由唔係亂咁買嘢開始! 咁其實不如限制D大公司唔好亂咁生產嘢仲好! 沿路有好多唔同既展板同LCD可以DO咭 一個小影院, 準備播放關於環保訊息的影片 睇完影片之後就嚟到呢個「垃圾山」,即堆填區! 呢度係參考屯門稔灣堆填區製成，其中的垃圾有真有假， 為了令展品更逼真，「垃圾山」更會發出風聲、貨車聲，令你如置身堆填區一樣。 仿照稔灣堆填區而砌成的垃圾山。 點擊圖片放大 +6 Reduce, Reuse, Recycle 是環保的3大重要元素。 跟住嚟到呢個叫許願池既地方! 希望大家睇完咁多嘢之後, 喺度立番個志, 要以後唔浪費 呢個投射機播出影像, 你如果手去觸碰會點到投射的影像 原來有扭蛋回收箱架喎! 最尾見到JUNK WOOD藝術家的作品 點擊圖片放大 +2 去番大堂出邊, 見到外面有個大花園, 不過唔俾遊客出去, 點擊圖片放大 Photo by CANON 5D Mark III, Len | EF 35mm f/1.4L USM 呀劍評分: 6分 呀劍評語: 對於小朋友學習及參觀真係一個唔錯既地方，不過可惜場館比較細，好快就行完，給小朋友互動的設施不多，大多數都係文字解說，要比較大的朋友有耐性先可以慢慢了解環保的知識！而且附近甚麼也沒有，如要找食肆或其他配套，都要搭番車出去巿中心先得！ 環保園 簡介 環保園隸屬環境保護署，是香港首個專為循環再造業發展而興建的設施。環保園於2007年開始運作，環保園的設立可促進廢物資源重用，把可再造資源重投生產線及消費圈，推動本地環保和循環再造業的發展。 開放時間 星期一至星期日（逢星期二及公眾假期 * 休館） 導賞服務每日合共4節，每節約1小時： 第一節：上午9時30分至上午10時30分 第二節：上午11時至中午12時 第三節：下午2時30分至下午3時30分 第四節：下午4時至下午5時 * 中心於元旦日、年初一、初二、初三、耶穌受難日、聖誕節及聖誔節翌日休息。 完全免費 地址 屯門第 38 區龍門路 133 號 交通 港鐵巴士K52綫（紹榮鋼鐵站落車）：往西鐵綫屯門站C2出口 由港鐵屯門站至環保園所需的平均行車時間約30至45分鐘。 電話 2496 7633 網址 www.ecopark.com.hk/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
