今日天氣唔好, 我哋去咗奧海城同圓方行街, 但係結果多咗個景點, 就係西九海濱長廊啦! 話說呢日夜晚約咗公公婆婆一家在圓方食晚飯, 所以就沿住東涌線向九龍站出發 原本我哋都打定輸數會落雨, 所以先在奧海城落車, 食個下午茶同睇吓有咩行 之後我哋見到冇再落雨, 仲有少少太陽咁, 於是我哋就博吓, 去西九海濱長廊 離開咗奧運站, 搭多一個站到九龍 一出九龍站向左行去機鐵個邊, 你就會見到有間Baleno, 沿路跟住指示就行出機鐵站! 一出機鐵站見到架新的士, Hysan即刻想同佢影番張相! 過咗一條短短馬路後再向住天橋方向行(切記忍耐個盞勁耐都轉綠公仔的紅綠燈>.<), 行行吓我同呀仔介紹全港最高的建築物ICC! 佢見到最頂頂個幾層插咗入雲度覺得好新奇! 之後過馬路到西隧前巴士站就會見到天橋, 上到去就會見到西隧口, 好多車喺我哋腳下行過! 行到過對面之後, 就已經見到西九海濱長廊入口喇! 佢哋兩個見到大海同咁多船都興奮起來! 落咗橋之後在入口隔離, 有個租單車的地方SmartBike, 大人細路Size都有, 小童車$20/hr, 大人要買$50智能咭(有$40餘值), 好似八達通咁用, 因為今日落雨地濕, 所以我哋就冇踩啦! 點擊圖片放大 沿路再行會見到個碼頭, 再轉彎就行入去海濱長廊, 佢哋見到水氹就好興奮, 即刻要過去踩 今日我早有預備, 帶哂水鞋同多套衫就係諗住俾佢哋嚟呢度玩個夠! Daddy開到聲, 佢哋攞正牌當然踩番夠本, 成身濕哂! 再轉個彎就見到好大既海景同草地, Hysan盡情又跑又跳! 平時喺屋企做唔到既動作通通做齊 點擊圖片放大 Hysan準備要用佢最大力去踩呢個大水氹! 點擊圖片放大 +3 頭先一路都影唔哂既ICC, 呢個位終於可以連人帶埋揀嘢入哂鏡! Hysan身後係一個好大既圓形單車場 估唔到呢度都有得打千秋! 哥哥仲未識自己越打越高! 當然唔少得呢個千秋迷芊芊都要玩埋一份啦! 行到嚟最出呢個位置喇, 可以坐喺海濱休息吓 當然要同景點影番張相! 呢度有多部汽水機俾人買飲品, 呢包375都係$6.5 (7-11賣緊$7.9 >.<) 點擊圖片放大 兩兄妹係度拈花惹草! 最後我哋夠鐘要番去會合公公婆婆佢哋, 見到個地盤圍版又幾靚, 又影番幾張相先, 最後毋須沿路回頭走, 只要繼續往前走, 向西九大戲棚方向行, 便可回到圓方及ICC! 點擊圖片放大 Photo by CANON 5D Mark III, Len | EF 35mm f/1.4L USM 呀劍評分: 8分 呀劍評語: 如一個好悠閒好適合一家大細散步郊遊的好地方,又可以租單車踩, 又方便去,去完可以過去圓方食晚飯,真係好舒服! 西九海濱長廊簡介 是一處位於香港西九龍填海區南面的海濱長廊，長1.8公里，從該處可以望向港島西及維多利亞港。西九龍海濱長廊分為東、西兩個入口，東面入口在西區海底隧道九龍收費站之行政大樓東面，柯士甸道西的西端，港鐵九龍站的西南方，西面入口在西區海底隧道收費廣場之巴士站（往九龍方向）側。 地址 香港九龍尖沙咀柯士甸道西與雅翔道交界 開放時間 上午6時至晚上11時 費用 免費入場 交通 西鐵綫柯士甸站D2出口（步行約15分鐘） 東涌綫/機場快綫九龍站 電話 2302 1279 網頁 www.westkowloon.hk (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
