呢個5月1日-3日星期五六日, 連續3日假諗住點都要有一日去海灘或者離島 結果最後選擇咗去麗都灣泳灘, 話說我哋上年9月去過帝景酒店住一晚, 當日我哋去咗酒店樓下個沙灘玩, 之後就愛上了這個沙灘 因為水清沙幼, 勝在人極少! 唔駛同人逼! 呢日我哋8-9點起身, 跟住大約10:30落街食個早餐先! 然後就坐西鐵去到荃灣西站, 落車行出港鐵站口就有的士, 即刻上車10分鐘就到咗麗都灣啦, 上車同司機大佬講, 佢都唔知邊度, 證明真係冇咩人知, 司機大佬叫我去柏麗灣喎, 去得柏麗同人逼不如去黃金海岸! 一到步就即刻開我個大帳幕, 你睇吓周圍都冇人, 我嚟到既時侯, 我諗成個灘都唔夠30個人! 芊芊即刻拎起水槍玩, 因為佢等咗好耐架啦, 我買咗水槍之後剩係沖涼可以玩, 都未試過拎嚟沙灘玩, 所以佢好開心! 但係呀哥就激死人, 將支水槍放入沙裡面, 攪到支槍射唔到水! 都唔知點解佢永遠都做D另人覺得好奇怪既事! 所以佢支槍報銷了...(妹妹拎住水槍好開心, 俾我射走格唔抖) 芊芊俾我用支水槍射緊! 我一手拎相機一手拎水槍 射到要走夾唔抖... 媽咪同佢哋2個一齊玩堆沙砌城堡, 呀芊整散哥哥砌個城堡, 呀哥鬼哂咁嘈! 最開心既環節, 落水踢水啦! 點擊圖片放大 因為個海唔多人, 所以兩個喺度執頭仔掉石頭! 掉得好開心... 所有沙灘裝備晒冷 點擊圖片放大 +6 其實呢度周圍都有好多水母(白炸), 小朋友如果落水要小心D, 不過以我睇好多都係已經死咗! Photo by CANON 5D Mark III, Len | EF 35mm f/1.4L USM 呀劍評分: 9分 呀劍評語: 水清沙幼! 真係香港難得的一個泳灘! 最緊要嗰樣係「少人」! 雖然有段時侯岸邊會有漂浮垃圾甚至死魚仔! 但係到4-5點潮漲後水便會變得很清! 或者游水游出D都可以避開! 麗都灣泳灘簡介 是位於香港新界荃灣汀九橋西面第一個泳灘，約於1975年開始開放予公眾游泳。它是唯一在荃灣區有沙灘排球場的泳灘，曾有「新界淺水灣」之稱。「Lido」是英文的固有詞，有泳灘的意思，中文名稱則音譯為「麗都」。 麗都灣泳灘水質更新 http://www.beachwq.gov.hk/tc/p_mawan.aspx?YX_MID=12 地址 香港新界深井青山公路十一咪半 開放時間 24小時 救生員當值時間 4月至5月 / 9月至10月 : 上午9時至下午6時 6月至8月: 上午9時至下午6時 (周一至五); 上午8時至下午7時 (周六、日和公眾假期) *11月至3月救生服務暫停 費用 免費入場 交通 -九龍新界巴士 53 元朗（東） ↔ 荃灣西站 234B 荃灣西鐵路站 ↔ 浪翠園 -新界專線小巴 96 豪景花園 ↔ 荃灣（海壩街） 96C 碧堤半島 ↺ 荃灣站 96M 豪景花園 ↔ 荃灣站 96S 海美灣 → 荃灣站 只限星期六、日及公眾假期服務 302 豪景花園 ↔ 葵芳站 電話 2491 1209 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
