今日Hysan如常在元朗上英文班，下課後還有幾小時才上繪畫班， 加上我昨天在網上找到有一個畫展，想帶他去看看！ 所以我今日帶他到JCCAC賽馬會創意藝術中心走一趟！ 妹妹可能依家喺屋企嬲我唔帶佢去街... 我同Hysan來到JCCAC, 我先等佢坐低慢慢食埋個芒果撻先！ 張櫈又幾特別，如果屋企大放番張都幾正！ 點擊圖片放大 +2 食完嘢去番個洗手間先! 見到個好得意既設計! 我話俾Hysan聽, 以前大家會用呢盞燈嚟照雞蛋! 剛好發現這裡正有一個展覽， 名為「流動空間之博弈」，講述從流動小販到流動佔中！ 當然Hysan都唔會明白箇中意義，只係見到展覽既物品好新奇就要同佢哋影番張相！ 點擊圖片放大 +2 跟住我哋就搭升降機上去畫展嗰層！今日喺呢度開畫展的畫家叫做Mr.Giraffe, 佢既畫風好日本Style！我起初以為佢真係一個日本人 我哋搵到畫展的地方，原來係一個小小的空間， 點擊圖片放大 +2 Hysan見到咁多畫自己都即刻畫意大發畫番張(其實佢都畫得唔差架喎！) 畫家都在現場介紹自己的畫給到場朋友 而且我更即值幫每一位入場朋友，來一幅漫畫素描 都唔明點解佢畫我哋兩個個樣咁唔開心 點擊圖片放大 最後我幫襯畫家Mr.Giraffe買番2張Postcard以示支持！ 唔知呀仔將來會唔會做畫家呢？最緊要佢可以做到自己開心既工作！ 點擊圖片放大 +3 Photo by CANON 5D Mark III, Len | EF 35mm f/1.4L USM 呀劍評分: 6分 呀劍評語: 一個充滿藝術色彩的地方，閒時過來走一走，感染一下這裡的氣氛，扮吓偽文青都幾好！ JCCAC 賽馬會創意藝術中心 簡介 賽馬會創意藝術中心（JCCAC）所處建築物，前身是「山寨廠」即「石硤尾工廠大廈」。JCCAC於2008年開幕，以自負盈虧及非牟利機構的模式運作。JCCAC定位是一所多元化及對外開放的藝術村兼藝術中心，提供一個給藝術家和藝術團體工作，和讓公眾可近距離接觸藝術的環境，歡迎公眾於開放時間內自由參觀，親身發掘和感受藝術創意的氣氛。 地址 九龍石硤尾白田街30號 開放時間 上午10時至晚上10時，農曆新年假期除外。 免費入場 公眾可自由參觀而不用預約，但請留意個別展覽及藝術活動會有不同的開放日期和時間及個別收費 交通 港鐵石硤尾站C出口，步行約5至8分鐘 電話 2353 1311 網頁 www.jccac.org.hk (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
