今日係大年初一，我哋每年指定動作都係先去公公婆婆度拜年，跟住再去伯娘屋企，夜晚再同太婆食飯 今年公公婆婆搬咗新屋溱泊，喺我哋屋企對面，所以我哋可以慢慢咁準備好一切，然後行過去！ 上到去梗係要食年榚呀蘿蔔榚啦，小朋友就梗係冇興趣啦，已經自己坐埋一邊玩！ 芊芊同身後好靚既水仙花影張相先! 坐咗一陣之後，小朋友最期待就係落去樓下會所玩， 因為呢度有個好大既會所，裡面有兒童遊戲室， 呢度有一個好大既SIR滑梯空間, 全部都係用實木做, 完會冇塑膠! 呢度用嚟玩「捉衣因」最好, 又夠大又多地方匿埋! 點擊圖片放大 +3 兩老表一路坐住2隻草泥馬(係我咁稱呼佢咋) 周圍走! 俾芊芊搵到個鋼琴仔, 可以彈番兩首歌 因為溱泊都係啱啱可以入伙，所以呢度真係好少人， 好似包咗場咁，佢哋鍾意玩咩都得，唔駛同人爭！ 點擊圖片放大 +6 玩到攰哂, 去到伯娘屋企拜埋年, 夜晚就全世界同太婆一齊食飯團拜! 番到屋企, 兩隻嘢都謝哂皮, 哥哥餵妹妹食奶瞓覺啦! Photo by CANON 5D Mark III, Len | EF 35mm f/1.4L USM 呀劍評分: 6分 呀劍評語: 講設施真係好多好新淨，連圖書公仔玩具都係最新最靚！當然分數會隨住入伙人數減低啦！ 地址 香港新界元朗公庵路68號 開放時間 上午7時 ‑ 晚上10時 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
